ଆସରେ ପିଲେ ଆସ
ଆସରେ ପିଲେ ଆସ
ଆସରେ ପିଲେ ଆସ
ପାଖକୁ ମୋର ଆସ
କହିବି କେତେ କଥା
ପାଖରେ ମୋର ବସ।୧।
ଖଳଠୁ ସଦା ଦୂରେ
ରହିବ ନିତି ଯାଇ
ତାଙ୍କଠି ଭାବ ଜମା
ତୁମେ କରିବ ନାହିଁ।୨।
ମନ କଥା ମନରେ
ଆହେ ରଖିବ ସଦା
ସତ କହିବା ପାଇଁ
ନ ଆଣି କେବେ ଦ୍ଵିଧା।୩।
ସବୁ କାମକୁ ଆହେ
କରିବ ହୋଇ ଖୁସି
ଅଳପ କହି ପୁଣି
ଦେବରେ ତୁମେ ହସି।୪।
ସମୟ ଯାଏ ବିତି
ଅପେକ୍ଷା କରେ ନାହିଁ
କର୍ମ କରିବା ଆମେ
ଅନ୍ୟର ଖୁସି ପାଇଁ।୫।
ଅଳସୁଆ ଭାବ ଯେ
ଅଟଇ ଦୁଃଖ ଘର
ତା ଠାରୁ ସଦା ତୁମେ
ହୋଇବ ରହି ଦୂର।୬।
ନିଜ ହାତରେ ତୁମ
ଅଛି କେତେ ଯେ ବଳ
ପର କଥାରେ କାନ
ଦେଲେ ହୋଇବ କାଳ।୭।
ହିଂସା କ୍ରୋଧ ଅଟଇ
ବଇରି ଆମ ପାଇଁ
ସେପରି ଭାବ ଜମା
ମନେ ଆଣିବ ନାହିଁ।୮।