Library
ଆସନ୍ତାକାଲିର ସାହିତ୍ୟ
ଆସନ୍ତାକାଲିର ସାହିତ୍ୟ
1 min
286
୨୦୨୨ ମସିହା ବିଦାୟ ନେବାର
ସମୟ ଆସିଲାଣି
202୩ ମସିହା, ନବ ବର୍ଷ ନୁତନତା,
ଉଙ୍କି ମାରିଲାଣି |୧|
ଧିରେ ଧିରେ ତ ଦିନ ଗଡି ଚାଲଇ,
ସମୟ ଯାଏ ପରା ସରି
ଦୁଃଖ ଭରା ଦୁଇ ହଜାର ବାଇଶ
ଯାଉଅଛି ଶୀଘ୍ରେ ଚାଲି |୨|
ସାହିତ୍ୟ ସମାଜର ଦର୍ପଣ, ଘଟଣା
କ୍ରମର ପ୍ରତିଛବି ପରି
ମଧୁର ସଙ୍ଗୀତେ ବିପ୍ଳବର ସ୍ବର ମଧ୍ୟେ
ସାହିତ୍ୟିକ ରଖେ ମାଳା କରି |୩|
ସମାଜରେ ଯେତେ କେଳେଙ୍କାରି ରହି
ଯିବ ହୋଇ ଇତିହାସ
ନିରାଶାର ମରୁବାଲି ପରେ ରୋପିବା
ଆଶାର ମଞ୍ଜି ଆସ |୪|
ସାରସ୍ୱତ ମହଲେ କଲମ ଚାଳନା
ହେଉ ଅଙ୍ଗିକାରବଦ୍ଧତାରେ
ଭବିଷ୍ୟତ ପାଇଁ ଜାଗ୍ରତ କରିବା ମଣିଷ
ମନକୁ ମାନବିକତାରେ |୫|
ମୃଗତୃଷ୍ଣା ପଛେ ନଧାଇଁ ପ୍ରତିଟି ପ୍ରାଣରେ
ଜଗାଇବା ଜୀଇଁବାର ଆଶା
ହେଉ ଆସନ୍ତା କାଲିର ସାହିତ୍ୟରେ ସବୁ
ମଣିଷର ସ୍ବାଧୀନତାର ଭାଷା |୬|
କାହାଣୀ, କବିତା, ସଙ୍ଗୀତ, ନାଟକ,
ପ୍ରବନ୍ଧ, ଗଳ୍ପର ଲିଖନ
ଶ୍ରମିକ କୃଷକ ମେହନତୀ ମଣିଷର
ମୁକ୍ତିର ପଥ ହେଉ ଦୃଶ୍ୟମାନ |୭|
