ଆସିଛି କାର୍ତ୍ତିକ ମାସ

 ପହିଲି ଶୀତର ପହିଲି ପରଶେ

   ଆସିଛି କାର୍ତ୍ତିକ ମାସ

ରଂଗ ବେରଂଗର ମୂରୁଜରେ ଦେଖ

   ଚଉରା ହୋଇଛି ସଜ।

ଆଈମା ଜାଳେ  ଆକାଶ ଦୀପଟି 

  ଦେଖ କି ସୁନ୍ଦର ଦିଶେ

ଦୀପାବଳି ର ଶୁଭ ଲଗନରେ

ବଡ ବଡୁଆ ଙ୍କୁ ଡାକେ।

ନାଗାର୍ଜୁନ ବେଶ ଏଇ ସନ ପରା

  ପଞ୍ଚୁକ ଛ'ଦିନ ବୋଲି

ବୀର ବେଶେ ପ୍ରଭୁ ହୋଇବେ ଲୋ ସଜ

  ସୋଲ ଆଭୂଷଣ ସବୁ ଧରି।

ନଉବାଣିଜ୍ଯର ଅତୀତ ଗାଥାକୁ 

 ସୁମରି ସାଧବ ବୋହୂ

କଦଳୀ ବାସୁଙ୍ଗା ଡଙ୍ଗା ଭସାଇ

  ଆମେ ଆ -କା -ମା- ବୈ - ଗାଉ।

ଆସୁଥିଲେ ଆସୁ ଯେତେ ବିପତ୍ତି 

  ଓଡିଆ ଭୁଲିନି ଅତୀତ କୀର୍ତ୍ତି  

ଓଡିଆ ର ଗର୍ବ ତାର ସଂସ୍କୃତି

ସଂସ୍କୃତି ବଞ୍ଚିଲେ ବଞ୍ଚିବ ଜାତି।