Library
Profile
ଆଶ୍ଚର୍ଯ୍ୟ ହୁଏ ଭାବେ ଯେବେ
ଆଶ୍ଚର୍ଯ୍ୟ ହୁଏ ଭାବେ ଯେବେ
ରଙ୍ଗ ବେରଙ୍ଗର ପ୍ରଜାପତି ଦେଖି
ଆଶ୍ଚର୍ଯ୍ୟ ହୁଏ ମୁଁ ଯେବେ
ଭଳି ଭଳି ଗୁଡ଼ି ଉଡାଇ ଆକାଶେ
ବୁଝିଯାଉଥିଲି ତେବେ
ଫୁଲରେ ସୌନ୍ଦର୍ଯ୍ୟ ଆକାଶେ ନୀଳିମା
ଦେଖିଲେ ଲାଗୁଥିଲା ବିସ୍ମୟ
ଆଜି ଆମ ତ୍ରିରଙ୍ଗା ପତାକା ଦର୍ଶନେ
ଗାଏ ମୋ ଦେଶର ଜୟ
ନଈ କଳକଳ ନଦୀ ଛଳଛଳ ସୂର୍ଯ୍ୟ ଢଳଢଳ
ଦେଖିଲେ ଲାଗେ ଆଶ୍ଚର୍ଯ୍ୟ
ଆଜି ମହାକାଶେ ବ୍ୟୋମଯାନେ ବସି
ଲାଗୁଛି କେତେ ସହଜ
ହଳ ଲଙ୍ଗଳରେ ଜମି ଚାଷ କରି କୃଷକ
ବୋଲଏ ସୈନିକ ପରି ରକ୍ଷକ
କେମିତି ଅଳସୀ ଫୁଟେ ଧାନ ମୁଗ ବିରି ପରି
ଯୁଆଡେ ଯାଅ ଦେଶଯାକ
ସବୁରି ଉପରେ
ଜଣେ ବସି ମହାନାୟକ
କରି କରାଉଥାଏ ହରି
ତା ବିନୁ ଏ ଦୁନିଆରୁ ଶିରୀ ଯିବ ଅପସରି
ସଜୀଵ ହୋଇବେ ନିର୍ଜୀଵ ପରି
ଏତେ କଥା କରି ବିନ୍ଧାଣୀ ସେ ହରି
ଶ୍ରେଷ୍ଠ ଶିଳ୍ପୀ ଜଣେ ନିଶ୍ଚୟ
କୋଣାର୍କ ଦେଖିଲେ ମନେପଡେ ଆଜି
ଶିଳ୍ପୀକୂଳେ ଜନ୍ମି ଜୀବନ୍ତ କଲେ ମୃଣ୍ମୟ
ଯେତିକି ଆଶ୍ଚର୍ଯ୍ୟ ରହିଛି ବିସ୍ମୟ
ନିଶ୍ଚୟ କାହାର ହାତ
ବିଶ୍ୱାକର୍ମା ରୂପେ ଗାନ୍ଧି ଆଜି ନମସ୍ୟ
ତାଙ୍କ ପାଦ ତଳେ କରିବା ମଥାନତ
ବିନା ଅସ୍ତ୍ର ଶସ୍ତ୍ର କେବଳ ଅଂହିଁସା ମନ୍ତ୍ର
ଆଧାରେ ଯେଉଁ ନର
ତତ୍କାଳିନ ସମାଜକୁ ସ୍ବାଧୀନତା ଦେବା
ନିଶ୍ଚୟ ଆଶ୍ଚର୍ଯ୍ୟ ବେଭାର
