ଆସ ଯିବା ଶିବ ମନ୍ଦିର
ଆସ ଯିବା ଶିବ ମନ୍ଦିର
ଶ୍ରାବଣ ର ସୋମବାର
କାନ୍ଧେ ନେଇ ପାଣି ଭାର
ଆସ ଯିବା ଶିବ ମନ୍ଦିର
ପୂଜିବାରେ ଶିବ ଶଙ୍କର
ଢାଳି ଦେବେ ଆଶିଷ ଧାର
ଗାଉଥିବା ଶିବ ପଞ୍ଚାକ୍ଷର ।
ଶ୍ରାବଣ ର
ନୀଳ ରଙ୍ଗ ଅପରାଜିତା ଫୁଲ
ଗୟସ ଅରଖ ଦୁଦୁରା ଫୁଲ
ମୋ ଭୋଳାର ଇଏ ପ୍ରିୟ କୁସୁମ
ମଥା ପରେ ଥିଲେ କି ଅନୁପମ
ଭାବେ ବନ୍ଧା ସିଏ ଭାବର ଠାକୁର
ଅଭାବରେ ହୋଇ ଥାଆନ୍ତି ଦୂର ।
ଶ୍ରାବଣ ର
ଶୀଘ୍ର ତୋଷ ହୋଇ ଦିଅନ୍ତି ବର
ତେଣୁ ଆଶୁତୋଷ ନାମ ତାଙ୍କର
ହସ୍ତରେ ତ୍ରିଶୂଳ ଡମ୍ବରୁ ଧରି
ଭକତ ପାଇଁ କି ଲୀଳା ତାଙ୍କରି
ଗୋ ରସ ଢାଳିଲେ ମଥାରେ ତାଙ୍କରି
ତୋଷ ହୋଇ ଯାଚି ଦିଅନ୍ତି ବର ।