ଆସ ପୁଣି ଫେରି
ଆସ ପୁଣି ଫେରି
ପୂଣ୍ୟାତ୍ମା ଅଟଳ ବିହାରୀ
ଆସହେ ତୁମେ ପୁଣି ଫେରି |
ଜନମ ବାର୍ଷିକୀରେ ତୁମ
କରଇ ବିନମ୍ର ପ୍ରଣାମ |
ତୁମରି ଆଦର୍ଶ ଜୀବନ
ସର୍ବଦା କରି ପ୍ରଣିଧାନ|
ନକରି କେବେ ଛୋଟମନ
ଜୀଇଁଲ ଆଦର୍ଶ ଜୀବନ ।
ଆମର ଭାରତ ମହାନ
କରିବା ପାଇଁ ଶକ୍ତିମାନ|
ଶିକ୍ଷା ଓ ପ୍ରଯୁକ୍ତି ବିଜ୍ଞାନ
ସଂଚାର ଗମନା ଗମନ ।
କରିବା ଦେଶକୁ ମହାନ
ଥିଲାତ ତୁମରି ସପନ |
ସ୍ବର୍ଣ୍ଣ ଚତୁର୍ଭୁଜ ଯୋଜନା
ଦେଶକୁ ଯୋଡିବା କଳ୍ପନା |
ତୁମରି ମନେ ସଂକୀର୍ଣ୍ଣତା
ନଥିଲା ମନରେ ଶତୃତା |
ବିରୋଧ ମତରେ ରହିଲେ
ଶତୃତା ନୁହେଁ ତାହା ଭଲେ |
ମତରେ ପାର୍ଥକ୍ୟ ରହିଲେ
ଶତୃତା ନହେଁତାହା ଭଲେ|
ଏକଥା କରି ପ୍ରମାଣିତ
ହୋଇଲ ନେତା ସର୍ବାଦୃତ |
ଭାରତ ରତ୍ନ ବାଜପେୟୀ
ଅଟଳ ପ୍ରତିଜ୍ଞାକୁ ନେଇ |
ଦେଶକୁ ନୂଆ ଦିଶା ଦେଇ
ନେଲ ତ ସାହସେ ଆଗେଇ|
ଦୁର୍ବାର ସାହସ ସଂଚାରି
ବଞ୍ଚିଲ ତୁମେ ପ୍ରାଣ ଭରି |
ମରିଲ ଇଚ୍ଛାରେ ତୁମରି
ଯାତ୍ରାକୁ ଯାଇନାହଁ ଡରି |
ସଂସାରୁ ଗଲ ତୁମେ ଫେରି
ମୃତ୍ଯୁକୁ ଯାଇନାହଁ ଡରି |
ଲେଖିଯାଇଛ କବିତାରେ
ଫେରିବ ବୋଲି ପୁଣିଥରେ|
ହେ ପୂଜ୍ୟ ଅଟଳ ବିହାରୀ
ବିନତି ଆସ ପୁଣି ଫେରି |
ସଂପ୍ରତି ତୁମ ପରି ନେତା
ଲୋଡୁଛି ଏ ଭାରତ ମାତା|
ରଖହେ କଥାକୁ ତୁମରି
ଭାରତେ ଆସ ପୁଣି ଫେରି |