ଆସ ଖେଳିବା ବୋହୁ ବୋହୁକା

ଆମେ ସବୁ କୁନି କୁନି ଫୁଲ କଳୀ

କିଏ ହେବ ଆମ ଭଳି

ଭଲ ମନ୍ଦ ଜାଣି ନାହୁଁ ଗୁଲୁ ଗୁଲୁ କଥା କହୁ

ବୁଲୁ ଦାଣ୍ଡେ ହସି ଖେଳି l

ପରଜାପତି ତର ତରକା

କେହି ହେବେନି ଆମ ପରିକା

ଆସ ଖେଳିବା ବୋହୁ ବୋହୁକା l

ସଦାବେଳେ ଆମେ ଖୁସି ରାଗିଗଲେ ଯାଉ ରୁଷି

ସବୁ ସକାଳ ନୂଆ ସକାଳ ଆମେ ତ ସଜ ଗୋଲାପ ଫୁଲ

କଅଁଳିଆ ମନ ଆମ ନାହିଁ ଜମା ଶଙ୍କା ଦକା 

ଆସ ଖେଳିବା ବୋହୁ ବୋହୁକା l

ଆମ ଗାଁ ଦାଣ୍ଡ ଧୂଳି ସରଗ ସୁଖରୁ ବଳି

ବାପା ମାଆ ଙ୍କ ମିଛ ଶାସନ ଆମ ଦୁଃଖ ରେ ବିରସ ମନ

ଗେଲ କରି ବୁଝାନ୍ତି ପୁଣି ନାହିଁ କେ ତୋ ପରିକା

ଆସ ଖେଳିବା ବୋହୁ ବୋହୁକା l

ଆମେ ଯଦି ହସୁ ଥିବୁ ଦୁନିଆ କୁ ହସାଇବୁ

ଏକାଠି ହୋଇ ଖେଳିବା ପାଇଁ ଆମର ପାଇଁ ମନାତ ନାହିଁ

ଦୁଷ୍ଟାମୀ ଆମ ଭାରି ସୁନ୍ଦର ଦୁଷ୍ଟ ନହେଲେ ଫିକା

ଆସ ଖେଳିବା ବୋହୁ ବୋହୁକା ।