ଆସ ଗଢିବା ଓଡିଆ ର ନବ ଜୀବନ

ଆମ ହୃଦୟ ବାଣୀର ମଧୁଝଙ୍କାର 

        ଆମ ଭାଷା ଓ ତା'ର ଉଚ୍ଚାରଣ 

ଆମ ଆଚରଣ ରୁ ଉଚ୍ଚ 

        ଆମ ସ୍ୱାଭିମାନ ଓଡିଆର ଗାନ।[୧]

ମାନସିକତା ଆମ ପଡିଛି ବନ୍ଧା 

        ବଞ୍ଚିକି ଫିରିଙ୍ଗି ଶୋଷଣୁ 

ସଂସ୍କୃତି ଟା ଆମ ଭରିଛି ଆଜି 

         ପାଶ୍ଚାତ୍ୟ ର ବିଷାକ୍ତ କୀଟାଣୁ।[୨]

ନମସ୍କାର ପରିବର୍ତ୍ତେ ବୋଲାଉଛୁ 

         ଗୁଡ ମର୍ଣ୍ଣଙ୍ଗର ବିକଳ ସ୍ୱର

ଇଂରାଜୀରେ ନିମନ୍ତ୍ରଣ ପତ୍ରେ ଆମନ୍ତ୍ରୁଛୁ 

         ବିବାହ, ବ୍ରତ ଅବା ଅଷ୍ଟମ ପ୍ରହର।[୩]

ବନ୍ଧୁ ମଧ୍ୟେ ହାଲୋ ହାଏ ମାଧ୍ୟମେ 

         କରଇରେ ଭାବ ବିନିମୟ 

ମମି, ଡାଡି, ଅଙ୍କଲ, ଆଣ୍ଟି, ମିସ୍ ଶଦ୍ଦେ 

         ବୋଲଇରେ ଆମ ପରିଚୟ।[୪]

ଆମୋଦରେ ମାତି ଆମେ ଶିକ୍ଷିତ ବୋଲାଉ 

         ଭରିଣ ଆମ ଭାଷାରେ ସଂକଟ 

ନ କରି ବିକଳାଙ୍ଗ ତାକୁ ଆପଣିଲେ 

         ହୋଇବରେ ସବୁ ଭାଷେ ଶ୍ରେଷ୍ଠ।[୫]

ଦୁର୍ଦ୍ଦିନ ଆସିବା ଆଗୁ ହୋଇ ସାବଧାନ 

         ସ୍ମରିଣ ରାଧା,ଫକୀର ଓ ମଧୁସୁଦନ 

ପଞ୍ଚସଖା ସାଧନା କୁ କରି ପାନ 

         ତୋଳିବାରେ ଆସ ଓଡିଆ ର ନବ ଜୀବନ।[୬]