ଆସ ଅବତାର ନେଇ

ଆସ ପ୍ରଭୁ କୃଷ୍ଣ ଅବତାର ନେଇ 

    ଅଷ୍ଟମୀ ତିଥିରେ ଆଜିତ

ଅଧର୍ମକୁ ନାଶି ଧର୍ମ ସଂସ୍ଥାପନେ

    କୀର୍ତ୍ତି ତୁମ ଯୁଗ ଯୁଗାନ୍ତ.

କାନ୍ଦି ଚାହିଁଛି ବସୁଧା ମାତା ତ

ଆସ ଆସ କୃଷ୍ଣ ଅବତାରେ ତ l

ଗୋଟିଏ ବଦଳେ କୋଟି କୋଟି କଂସ

    ଶୋଷି ପିଉଛନ୍ତି ରକତ

ସ୍ୱାର୍ଥକୁ ସାରଥୀ କରୁଛନ୍ତି ଏଠି

    ଭାଷଣଟା ତାଙ୍କ ଶକତ

ଫୁଙ୍କି ଦିଅ ଥରେ ପଞ୍ଚଜନ୍ୟ ଶଙ୍ଖ

    ସୃଷ୍ଟି ହେଉ ମହାଭାରତ

 ପୁଣ୍ୟ ଯୁଗେ ଯୁଗେ ରହୁ ଅକ୍ଷତ l

ଡାକୁଛି ବସୁଧା ଆସ ପ୍ରାଣ ରାଧା

   ସହାୟ ହୁଅ ହେ ତ୍ୱରିତ

ପାପ ଭାରା ଆଉ ସହିପାରୁନାହିଁ

   ପାପେ ହୁଏ କଣ୍ଠlଗ୍ରତ

ପଠାଇ ପ୍ରଭୁ ହେ ସୁଦର୍ଶନ ଚକ୍ର

   କଂସ ଗଣେ କର ନିପାତ

ଯେବେ ରହିବ ଏହି ସୃଷ୍ଟି ତ l