ଲାଇବ୍ରେରୀ
ପ୍ରୋଫାଇଲ୍
ଆସ ଆସ ଜଗନ୍ନାଥ
ଆସ ଆସ ଜଗନ୍ନାଥ
1 min
385
ଅପେକ୍ଷାରେ ରତ ତିନୋଟି ରଥ
ଶରଧା ବାଲିରେ ଉଡ଼ାଇ ନେତ
ଆସ ଆସ ଜଗନ୍ନାଥ
ଆସ ଆସ ଜଗନ୍ନାଥ
ହେଉଛି ବିଳମ୍ବ ଆଉ ଡେରି କରନି ତ।0।
ଚାହିଁ ଛନ୍ତି ଲକ୍ଷ ଲକ୍ଷ ଭକତ
ଢାଳି ପାଦ ତଳେ ଭକ୍ତି ଅମୃତ
ତୁମ ଆସିବାଟା ସତ
ତୁମ ଫେରିବାଟା ସତ
ଚାହାଣି ମଣ୍ଡପେ ଚାହିଁ ରହିଛନ୍ତି ମାତ ।୧।
ମାଆ ହାତ ରନ୍ଧା ମାଉସୀ ପିଠା
ଭୁଲି ପାରୁନାହିଁ ଦାରୁ ଦେବତା
ଅତୁଟ ବନ୍ଧନ ସେତ
ବାନ୍ଧି ହେଲେ ନନ୍ଦ ସୂତ
ଛାଡ଼ିଯିବା ପାଇଁ ମନ ଆଉ ହେଉନି ତ ।୨।
କୋପେ ରଥ ଭାଙ୍ଗି ଦେଲେ ତ ମାତ
ଘରର ଗୁମର ଦାଣ୍ଡେ ପଡେ ତ
ଯାହା ଭାବୁଥିଲ ସତ
ସବୁ ହେଲା ବିପରୀତ
କାହା ପାଇଁ ମିଛ ପୁଣି ତୋହ ପାଇଁ ସତ ।୩।
