ଆନ୍ଦୋଳନ
ଆନ୍ଦୋଳନ
କଲେ ଆନ୍ଦୋଳନ ଗାନ୍ଧି ଗୋପବନ୍ଧୁ
ଶତ୍ରୁ ପଳାଇଲେ ଡେଇଁ ସପ୍ତ ସିନ୍ଧୁ ।
ନିସ୍ଵାର୍ଥ ପରତା ଥିଲା ଆନ୍ଦୋଳନେ
ଅହିଂସାର ବାର୍ତ୍ତା ଦେଲେ କାନେ କାନେ ।
ରାଜଧାନୀ ଆଜି କମ୍ପେ ଆନ୍ଦୋଳନେ
ନିଜ ସ୍ୱାର୍ଥ ପାଇଁ ଅସନ୍ତୋଷ ଜନେ ।
ଦୋକାନ ବଜାର ରାସ୍ତା ଘାଟ ବନ୍ଦ
ନିଆଁ ଜାଳି ରାସ୍ତା କରେ ଅବରୋଧ ।
ଭଙ୍ଗାରୁଜା ହୁଏ ସେହିଠାରେ କେତେ
ନିଜ ଧନ ନଷ୍ଟ କର ନିଜ ହାତେ ।
ଦୂର ଦୁରାନ୍ତର ଵେଦେଶୀ ପଥିକ
ବୃଦ୍ଧ ପରୀକ୍ଷାର୍ଥୀ ରୋଗୀ ଯେ ଅନେକ ।
ଭୋଗି ହନ୍ତସନ୍ତ ଲଭନ୍ତି କଷଣ
ହୋଇଥାନ୍ତେ ଯଦି ତୁମ ପରିଜନ ।
କେତେ ବାଧୁଥାନ୍ତା ହେ ବିଦୂଷ ଜନ
ନିଜ ଆତ୍ମା ସମ ଜଗତେ ଜୀବନ ।
ଦେଶ ଅର୍ଥନୀତି ଲଭେ ପ୍ରତିଘାତ
ବାହାଦୁରି ମାର ନିଶେ ମାରି ହାତ ।
ପ୍ରତିବାଦ ପାଇଁ ନାହିଁ କାରେ ମନା
ଅଧିକାର ଆମ ଗଣତନ୍ତ୍ରେ ସିନା ।
ତରିକାଟା ସିନା ଅଟେ ଭିନ୍ନ ସୂତ୍ରେ
ଆଇନ ସମ୍ମାନ ଗଣତନ୍ତ୍ର କ୍ଷେତ୍ରେ ।
ହିଂସା ରକ୍ତପାତେ ନୁହେଁ ଦେଶ ଜୟ
ଜୟ ବଳିପଡ଼େ ପାଶେ ପରାଜୟ ।