ଆମର ରାଜ୍ୟ ଓ ରାଜଧାନୀ ଗୀତ

 ଏକ - ଜାମ୍ମୁ ଓ କାଶ୍ମୀର - ଶ୍ରୀ ନଗର,

       କଛା ଝିକାଡେ  ମୋ  ଅଜାଙ୍କର l

ଦୁଇ - ପଞ୍ଜାବ ଚଣ୍ଡିଗଡ଼,

       କହୁଛି ପରା ତୋତେ ଶୀଘ୍ର ଝିକାଡ l

ତିନି - ହରିଆନା - ଚଣ୍ଡିଗଡ଼,

        ଛାତି  ହେଉଛି  କି ଧଡ଼ପଡ଼  l

ଚାରି- ରାଜସ୍ଥାନ - ଜୟପୁର,

       ଝିକିବାକୁ  ଲାଗୁଛି ଏତେ  ଡର l

ପାଞ୍ଚ -  ହିମାଞ୍ଚଳ ପ୍ରଦେଶ - ସିମଳା,

      ଧୀରେ ଧୀରେ  ତାଙ୍କ ପଛେ  ପଳା  l

ଛଅ -  ଉତ୍ତର ପ୍ରଦେଶ - ଲଖ ନଉ,

       ଜାଣିଲେ ବାଡେ଼ଇବ ମୋ ବୋଉ l

ସାତ - ମଧ୍ୟ ପ୍ରଦେଶ - ଭୋପାଳ,

      ତୋ ପାଖରେ  ନାହିଁ  ଟିକେ ଅକଲ l

ଆଠ - ଆନ୍ଧ୍ର ପ୍ରଦେଶ - ହାଇଦ୍ରାବାଦ,

     ପ୍ରତି କଥାରେ  କରୁଛୁ  ପ୍ରତିବାଦ  l

ନଅ- ଅରୁଣାଚଳ ପ୍ରଦେଶ- ଇଟା ନଗର

     ମୋ ପାଖରେ ଥିବୁ ନା' ସାଗର  l

ଦଶ - ତାମିଲନାଡୁ - ଚେନାଇ,

      ମୋତେ ଦବୁ ନା' ସବୁ ବତେଇ  l

ଏଗାର - ବିହାର - ପାଟଣା,

      ହେବୁନି ଜମା ତୁ ବୁଦ୍ଧି ବଣା  l

ବାର - ଓଡିଶା - ଭୁବନେଶ୍ୱର,

      ଧାଇଁ ଯାଇ ତୁ କଛାକୁ ଧର  l

ତେର- କର୍ଣ୍ଣାଟକ - ବାଙ୍ଗାଲୁରୁ

       ଝିକିବୁ  କଛାକୁ  ଧରୁ ଧରୁ  l

ଚଉଦ - ପଶ୍ଚିମ ବଙ୍ଗ - କଲିକତା,

       ପଚାରିଲେ କହିବୁନି ତୋର ପତା l

ପନ୍ଦର- କେରଳ- ଥିରୁଅନନ୍ତପୁରମ,

       କହିବୁ  ଅଜା ନମସ୍କାରମ l

ଷୋହଳ - ଆସାମ - ଦିଶପୁର,

       କିଏ ଝିକିଲା କଛାକୁ  ମୋର  l

ସତର - ମଣିପୁର - ଇମ୍ଫାଲ,

        କରିଦେଲୁ ମୋତେ ତୁ ବେହାଲ l

ଅଠର - ମେଘାଳୟ- ସିଲଙ୍ଗ,

    କେଡେ ସାହାସ ତୋର  ଗୌରାଙ୍ଗ l

ଉଣେଇଶୀ - ସିକିମ-ଗାଙ୍ଗଟକ,

        ଗୋଡ଼ାଇଲେ ପଛରେ  ଅନେକ l

କୋଡିଏ -ଗୋଆ -ପାଣାଜି,

       ଧରିଲେ ଶେଷରେ ମୋତେ ଅଜାଜୀ l

ଏକୋଇଶୀ - ତ୍ରିପୁରା -ଏଗାରତାଲା,

         ସାଗର  ତୁମର ନାତିଆ ପିଲା l

ବାଇଶି- ଗୁଜୁରାଟ- ଗାନ୍ଧୀ ନଗର,

         ଚିହ୍ନି ପାରୁନ ନାତିକୁ ତୁମର  l

ତେଇଶି- ମହାରାଷ୍ଟ୍ର - ମୁମ୍ବାଇ,

         ଦେଖ, ଚାହୁଁଛି  କଣେଇ  କଣେଇ  l

ଚବିଶି -ମିଜୋରାମ -ଆଇଜଲ

         ହଁ, ମୋର  ନାତି 'ତ' ଭାରି  ଭଲ l

ପଚିଶୀ - ନାଗାଲାଣ୍ଡ - କୋହିମା,

         ତୋ' ବିନା ଭଲ  ଲାଗେନି ଜମା  l

ଛବିଶି - ଛତିଶଗଡ଼ - ରାୟପୁର,

         ଆଈ ଠାରୁ ପାଏ ସେନେହ ଆଦର l

ସତେଇଶୀ - ଝାଡ଼ ଖଣ୍ଡ -ରାଞ୍ଚି,

         ତାକୁ ମିଳିଛି  ଘରର  କଞ୍ଚି  l

ଅଠେଇଶୀ- ଉତ୍ତରାଞ୍ଚଳ - ଡେରାଡୁନ,

         ନାତିଆ ମୋର  ନମ୍ବର ୱାନ l

ଅଣତିରଶି - ତେଲେଙ୍ଗାନା- ହାଇଦ୍ରାବାଦ,

         ଦିଅ ମୋତେ ଅଜା ଆଶୀର୍ବାଦ l