ଆମେ ଶ୍ରମିକ ଭାଇ

କୋଟି ସ୍ବେଦ ବିନ୍ଦୁ ଶରୀରୁ ନିଗାଡ଼ି

ଦେଶ ମାତୃକାର ସେବା କରିବା ପାଇଁ,

ହାତେ ନିହାଣ ମଥାରେ ଝୁଡି

ମିଳିମିଶି ଯିବା ଆମେ ଶ୍ରମିକ ଭାଇ ।

ଯେତେ କିର୍ତ୍ତୀ ରାଜି ଗଢ଼ା ହୋଇ ଆଜି

ଆମରି କିରତି ଗାଉଛି ପୁଣ

ସେଇ ଭାରତରେ ଜନମ ଲଭିଣ

କୋଟି ଧନ୍ୟ ଆମେ ହୋଇଛୁ ଶୁଣ ।

ରକତକୁ ପାଣି କରିଛୁ ସଭିଏଁ

ସୁଖ ଭରିଦେଇ ସଭିଙ୍କ ମୁଖ,

ମା ମାଟି ଆଜି ସଲାମ କରୁଛି

ଆମ ଗୁଣ ଗାଉଛି ନ ହୋଇ ବିମୁଖ ।

ରୁଧିର ଆମର ବହେ ଜରଜର

ତାଳରୁ ତଳିପା ଦେଶକୁ ଯାଇ,

ସଭିଏଁ ସୁଖରେ ହସିଲେ ସତେତ

ଆମେ ପରା ଅଟୁ ଶ୍ରମିକ ଭାଇ ।

କିଛି ଆଶା ନାହିଁ ଜୀବନେ ଆମର

 ଟିକିଏ ସମ୍ମାନ ପାଇବା ପାଇଁ,

ଅନ୍ତର ବେଦନା ଅନ୍ତରେ ମାରିଛୁ 

କୋଟି ଜନ ସୁଖ ଦେଖିବା ପାଇଁ ।

ଚିର ସହଚର ଦୁଃଖ ତ ଆମର

ସାଥିରେ ରହିଛି କୁଣିଆ ହୋଇ,

ତଥାପି ସେ ଦୁଃଖ ଚାପି ରଖି ଆମେ

ପାଦ ବଢ଼ାଇଛୁ ମାଟି ମା ପାଇଁ ।

ଖରା ବର୍ଷା ଶୀତ କାକରକୁ ସହି

ରାତ୍ରି ଉଜାଗର ରହିଛୁ ତହିଁ,

କେତେ ସୌଧ କେତେ ମସଜିଦ କୋଠା

ଆମ ଶ୍ରମେ ଗଢ଼ା ହୋଇଛି ଯହିଁ ।

ଆଜି ଏ ସମାଜ ବୁଝେ ନାହିଁ କିଆଁ

ଶ୍ରମିକର ଦୁଃଖ ଶ୍ରମିକ ଚିନ୍ତା,

ବଡ ବାବୁ ମାନେ ଭାଗ୍ୟରେ ଜିତନ୍ତି

ଆମେ ଅଟୁ ସତେ କିମ୍ପା ଅଭାଗା ।

ଶ୍ରମଦାନ ଅଟେ ମହତ ଦାନ ତ

ଏକଥା ସୁମରି ହସାଇ ସଦା ଏ ମରତ ଭୂଇଁ 

ସଦା କାଳେ କାଳେ ଶ୍ରମିକର ଗାନ ଗାଉଥାଉ

ଆମେ ପରା ଅଟୁ ଶ୍ରମିକ ଭାଇ ।