ଆମେ ସ୍ୱାଧୀନ

ଭାରତ ମାତାର ସୁଯୋଗ୍ୟ ସନ୍ତାନ

ଏଦେଶ ମାଟିର ବୀର

ତୁମ ପାଇଁ ଜାତି ଗର୍ବ କରେ ଆଜି

ତୁମେ ଅଟ ସଭିଙ୍କ ଆହ୍ୱାନ l

ସଂସାରର ସୁଖ କରିଅଛ ତ୍ୟାଗ

ଲଢ଼ୁଛ ଶତୃଙ୍କ ସଙ୍ଗେ

ସବୁରୀ ଓଠରେ ଖୁସିରେ ପସରା

ଭରିଅଛ ନାନାରଙ୍ଗେ l

ଦେହକୁ ତୁମର କରିଛ ପଥର

ଧରିଛ ଲୌହଧ୍ଵଜା

ରକ୍ତକୁ ତୁମର କରିଛ ରୁଧିର

ହୃଦରେ ଭରିଛ ଉର୍ଜା l

ତୁମେ ସ୍ୱାଭିମାନ ତୁମେ ଅଂଶୁମାନ

ତୁମେ ହିଁ ମାନ ସମ୍ମାନ

ସ୍ୱାଧୀନ ଦେଶର ପରାକ୍ରମୀ ଯୋଦ୍ଧା

ତୁମ ପଦେ ଆମ କୋଟି ବନ୍ଦନ l

ମାଆ ମାତୃକାର ପୂଜା ପାଇଁ ସଦା

ନିଜକୁ କରି ଉତ୍ସର୍ଗ

ସାଜିଛ ନାଉରୀ ଦେଶ ନଉକାରେ

ମହୀକୁ କରିଛ ସ୍ୱର୍ଗ l

ତାଙ୍କ ପାଇଁ ଆଜି ଆମ୍ଭେ ସ୍ୱାଧୀନ 

     ତାଙ୍କ ପାଇଁ ଆଜି ଆମ୍ଭେ ସ୍ୱାଧୀନ ।