ଆମେ ବିଜୟୀ ହେବା ସେଦିନ
ଆମେ ବିଜୟୀ ହେବା ସେଦିନ
ଅଛି ସେହି ଭୂମି ଉତ୍କଳ କଳିଙ୍ଗ
କୋଶଳ କଙ୍ଗୋଦ ଉଡ୍ର ଓଡିଶା
ସମୟ ଚକ୍ରରେ ବଦଳୁଛି ଚିତ୍ର
ମାନ୍ୟତା ପାଇଛି ଓଡିଆ ଭାଷା ।
ତାର ନଦନଦୀ ବଣ ଓ ପାହାଡ଼
ସବୁଜ ପ୍ରାନ୍ତର ଶସ୍ୟ କେଦାର
ରହିଛି ଅନାଇ ସଜଳ ନୟନେ
ଫେରୁ ତା ଐତିହ୍ୟ ସ୍ୱପ୍ନ ସୁନ୍ଦର ।
ଝାଟିମାଟି ଘର ଉଜୁଡା ତା ଗାଆଁ
ଅତି ଆପଣାର ତା ଭିଟାମାଟି
ବହିବ ମଳୟ ମୁକ୍ତ ବାତାୟନେ
ଅଗଣାଟି ତାର ଉଠିବ ହସି ।
ତାର ଚଷାପୁଅ ଲଢୁଆ ପାଇକ
ସାଧବ ବଣିକ ତା କାରିଗର
ତୋଳିବେ ପୁନଶ୍ଚ ଭଗ୍ନ କୋଣାରକ
ଆଗୁସାର ହେବେ ଓଡିଆ ବୀର ।
ଝଲସି ଉଠିବ ତା ଗାଆଁ ସହର
ଆସିବ ପୂରୁବ ଗୈ।ରବ ଫେରି
ଖଟିବାକୁ କେହି ଯିବେନି ଦାଦନ
ଓଡ଼ିଶାରେ ଅଛି ପ୍ରାଚୁର୍ଯ୍ୟ ଭରି ।
ମୋ ରାଇଜ ରଜା କାଳିଆ ଠାକୁର
ବରଷୁ ଅଛନ୍ତି ଶୁଭ ଆଶିଷ
ଉଡେ ବୈଜୟନ୍ତୀ ପତିତପାବନ
ଚଳେ ବଡ଼ଦାଣ୍ଡେ ଶ୍ରୀ ନନ୍ଦିଘୋଷ ।
ଘୁଞ୍ଚାଇବା ଆସ ଦୁଃଖ ଦୈନ୍ୟ କ୍ଳେଶ
ବିକଶିବା ଗୁଣ ଜ୍ଞାନ କୈ।ଶଳ
ପାଣି କରି ରକ୍ତ ଶ୍ରମ ସ୍ୱଦଧାରେ
ଗଢିବା ମୂଲକ ଶ୍ରେଷ୍ଠ ଉଜ୍ଜ୍ୱଳ ।
ଶିକ୍ଷାର ଆଲୋକେ କର୍ମ ସ୍ୱକର୍ତ୍ତବ୍ୟେ
ହେବା ଏକମନ ସଚେତନ
ସଫଳତା ଆମେ ଅବଶ୍ୟ ପାଇବା
ଆମେ ବିଜୟୀ ହେବା ସେଦିନ ।
----