ଚନ୍ଦ୍ରମା

ହୃଦୟରୁ ଆଜି ଗାଉଛି ମୁଁ ଗୀତ

     ତୁମ ଲାଗି ପ୍ରିୟତମା....

ସୁର ଅଛି ନା ମୋ ତାଳ ଅଛି

     ମୁଁ କଳଙ୍କିତ ଚନ୍ଦ୍ରମା।।

ଅର୍ଦ୍ଧ ରଜନୀର ଘୋର ସପନେ

     ନିତି ଆସ ପାଦ ଥାପି...

ଇନ୍ଦୁ ଯେମନ୍ତେ ଦିଶଇ ଗଗନେ 

    ବାଦଲ ରେ ଛପି ଛପି,।।

ନୀଳ ତଟିନିରେ ଝଲ୍ ମଲ୍ ହୋଇ

     ଦିଶିଯାଅ ମାୟାବିନୀ...

ସଙ୍ଗୀତ ର ସାତ ସ୍ୱର ତୁମେ

      ବର୍ଣ୍ଣିତ କାଦମ୍ବିନୀ,।।

ଘୋର ଅରଣ୍ୟରେ ତୁମେ ବଣ ମଲ୍ଲି

       ବାସ ଚହଟାଅ ନିତି...

ତୁମ ଭାବନାରେ ଛନ୍ଦି ହୋଇଯାଏ

       ମନର ଚଳନ ଗତି।।

ଝରି ଝରଣାର ସଙ୍ଗୀତ ମୂର୍ଚ୍ଛନା

    କୁଳୁ କୁଳୁ ନାଦ କରି....

ଅନ୍ଧାର ରାଇଯେ ଦ୍ଵୀପଶିଖା ହୋଇ

    ଆଲୋକ ଦିଅ ହେ ଭରି,।।