କହରେ ଓଡ଼ିଆ ପୁଅ

କହରେ ଓଡ଼ିଆ ପୁଅ

ଆଉ କି ଗଢ଼ିବ ଦ୍ଵିତୀୟ କୋଣାର୍କ

ମନେ ହେଉନି ପ୍ରତ୍ୟୟ |

ଲିହାଣ ମୁଗୁର ଧରି

ବଜ୍ରସମ ଶିଳା ବକ୍ଷ ଚିରି ଚିରି

ଚିତ୍ର କି ପାରିବୁ କରି |

ଆଉ ଆନ ବାରବାଟୀ

ଗଢ଼ି କି ପାରିବୁ ବାରବର୍ଷ ଖଟି

ବାଜିଯିବ ତୋର ଘଣ୍ଟି |

ଆନ ଏକାମ୍ର ନଗରୀ

ପାରିବୁ କି କରି ମନ୍ଦିର ମାଳିନୀ

ମହେଶ ବିଳାସ ସ୍ଥଳି |

ଗଙ୍ଗା ଠାରୁ ଗୋଦାବରୀ

ସାମ୍ରାଜ୍ୟ ବିସ୍ତାର ରାଜ୍ୟ ଦିଗବିଜୟ

ସ୍ୱପ୍ନ କି ପାରୁଛୁ ସ୍ମରି |

ସାତ ସିନ୍ଧୁ ତେର ନଈ

ଡେଇଁ କି ବାଣିଜ୍ୟ କରିବୁ କି ଆଉ

ଓଡ଼ିଆ ଗରବ ବହି |

ଆନ୍ଧ୍ର କରେ ସୀମା ଚୋରି

ପଶ୍ଚିମ ବଂଗ ଯେ କରେ ଅନୁରୂପ

ପର ହାତେ ଭାଗ୍ୟ ଡୋରି |

ମଧୁ ବିଜୁଙ୍କ ଦାୟାଦ

ସ୍ୱାଭିମାନ ସବୁ ପୋଡ଼ି ଖାଇଲଣି

ପ୍ରକାଶି ମିଥ୍ୟା ଦାରିଦ୍ର୍ୟ |