ଶିବମୟ ସାରା ସଂସାର
ଶିବମୟ ସାରା ସଂସାର
ଶୁଭ ଅବସରେ ଜାଗର ରାତ୍ରରେ
ପ୍ରଦୀପରେ ଆଲୋକିତ
ତମସ ଅନ୍ଧାର କାଳିମା ସାଗର
ସଦା ହେଉ ନିର୍ବାପିତ ll
ଓଁ ନମଃ ଶିବାୟ ଓଁ ନମଃ ଶିବାୟ
ପ୍ରତିଧ୍ୱନି ପ୍ରତି ହୃଦେ
ସବୁ ଶିଵାଳୟେ ସଭିଙ୍କ ଆଳୟେ
ପବିତ୍ରତା ପାଦେ ପାଦେ ll
ପୂଜା ନାମ ବ୍ରତ ଓଷା ଯଜ୍ଞ ତପ
ପୁଣ୍ୟ ନିଷ୍ଠା ଏକାଗ୍ରତା
ଈଶ୍ୱର ପ୍ରାର୍ଥନା ମନର କାମନା
ଅଭିଳାଷେ ସଫଳତା ll
ନୁହେଁ ଅକାରଣ ସାର୍ଥକ ଜୀବନ
ସଦାଶିବ ଆଶୀର୍ବାଦେ
ଜଗତ କଲ୍ୟାଣ ପାଇଁ କି କାରଣ
ଜୀବନ ଯାଉ ଜଗତେ ll
ସଂସାର ତାରଣ ଲାଗି ବିଷ ପାନ
କରିଥିଲେ ଆଶୁତୋଷ
ସ୍ୱାର୍ଥ ତ୍ୟାଗ ଦାନ ସେବାରେ ଜୀବନ
ପ୍ରଭୁ ଦିଅନ୍ତି ଆଶିଷ ll
ଶିବାଳୟ ଜ୍ୟୋତି ଜାଗିଉଠୁ ପ୍ରୀତି
ହିଂସା ଈର୍ଷା ଯାଉ ଛାଡି
ଜ୍ଞାନର ଆଲୋକେ ଆଲୋକିତ ହେଉ
ଅଜ୍ଞାନତା ଯାଉ ହଟି ll