ସପନ ଦୀପରେ ଆଶା ସଳିତା
ସପନ ଦୀପରେ ଆଶା ସଳିତା
ସପନ ଦୀପରେ ଆଶାର ସଳିତା
ଜାଳିବାକୁ ଯଦି କରଇ ମନ
ଉଦ୍ୟମ ପ୍ରଚେଷ୍ଟା ନିଷ୍ଠାର ଘୃତରେ
ଦୀପଟିକୁ ତେଜି ରଖିବା ଧ୍ୟାନ
ଦେଇଥାଏ ଏଠି ଯିଏ ବି କିଏ
ଲକ୍ଷ୍ୟପଥଟି ଆଲୋକମାଳାରେ
ଉଜ୍ଜ୍ୱଳମୟ ସର୍ବଦା ହୁଏ ।
ସଫଳତା ଥାଏ ହାତ ପାହାନ୍ତାରେ
ପଛକୁ ନଫେରି ବଢ଼ିଲେ ଆଗେ
ମନ-ହୃଦୟରେ ଆନନ୍ଦ ଜୁଆର
କେତେ ଯେ କେଜାଣି ଲହଡ଼ି ଭାଙ୍ଗେ
ଆଶା ରହେ ନାହିଁ ଅପୂରଣୀୟ
ଜଳି ରହିବାକୁ ହୁଅଇ ସମର୍ଥ
ପୂର୍ଣ୍ଣ ଥିବା ଯୋଗୁଁ ସର୍ବଦା ଘୃତ ।