ଅଚଳ ଅତଳ ଅଟଳ ଭାଇ

ଅଚଳ ଅତଳ ଅଟଳ ଭାଇ

     ଅତଳତା ତୁମ ମାପି ନୁହଁଇ l

ବାଜପକ୍ଷୀ ପ୍ରାୟ କବିତା ତୋର

  କବିତା ନୁହେଁ ସେ ବେଦର ଗାର l

କବି କୋବିଦ ହେ ରାଷ୍ଟ୍ରନୀତିଜ୍ଞ

   ବାଜପେୟ ଜ୍ଞାନେ କବିତା ଯଜ୍ଞ l

ରାଷ୍ଟ୍ର ନିତି ତୁମ୍ଭ ଅଟେ ନିଆରା

   ତୁମପରି ଆଉ କେ ହେବ ପରା l

ତୁମେ ହେ ଧୂରୀଣ କୂଟନୀତିଜ୍ଞ

   ପ୍ରାଜ୍ଞ ବିଜ୍ଞ ତୁମେ ହେ ସ୍ଥିତପ୍ରଜ୍ଞ l

ଜାତିସଂଘେ ତୁମ ହିନ୍ଦି ବକ୍ତୃତା

    ଚମତ୍କୃତହେଲେ ବିଶ୍ୱ ଜନତା l

ପୋଖାରଣ ଝୁରୁଛି ବାଜପେୟୀ

   ପରମାଣୁ ବୋମା ଦେଲ ଫୁଟାଇ l

ଅରି ଡାକେ ପୁଣି କାର୍ଗିଲ ଯୁଦ୍ଧେ

  ସେନା ଉଡ଼ାଇଲେ ଝଣ୍ଡା ଉର୍ଦ୍ଧେ l

କେଇ ଦିନ ମଧ୍ୟେ ଧୂଳିକୁ ଚାଟି

    ପଳାଇଲେ ଶତ୍ରୁ ବାଟକୁ କାଟି l

ବିରୋଧୀରେ ତୁମ ନୀତି ଆଦର୍ଶ

    ଵାଢ଼ାପିଟା ନୁହେଁ ଏହା ଅବଶ୍ୟ l

ସାହିତ୍ୟି ତୁମର ଅତି ଉଚ୍ଚାଙ୍ଗ

     ବ୍ୟଙ୍ଗ ହିମଗିରି ସମ ଉତ୍ତୁଙ୍ଗ l

ସଡ଼କ ଯୋଜନା ପ୍ରଧାନମନ୍ତ୍ରୀ

    ଆଦର୍ଶ ପୁରୁଷ ହେ ମହାତନ୍ତ୍ରୀ l

ପଦ୍ମ ବିଭୂଷଣ ଭାରତ ରତ୍ନ

     ଭାରତଭୂଷଣ ତୁଙ୍ଗ ବ୍ୟକ୍ତିତ୍ୱ l

ଅଚଳ ଅତଳ ଅଟଳ ଭାଇ

   କେତେ ଗୁଣ ତୁମ ଗାଇବି ମୁହିଁ l

ଜନମ ଦିନରେ ପ୍ରଣତି ଘେନ

   ହେ ରାଷ୍ଟ୍ରପୁରୁଷ ହେ ମହାମାନ୍ୟ l