ଆମ୍ଭ ତୀର୍ଥଯାତ୍ରା

ଭୁବନେଶ୍ୱରରୁ ରାଜଧାନୀ ଗାଡ଼ି l

   ଦିଲ୍ଲୀ ଅଭିମୁଖେ ଦେଇଅଛି ଛାଡ଼ି ll

ତ୍ୱରିତ ବେଗରେ ଗାଡ଼ି ଯାଏ ଗଡ଼ି l

     ତଡ଼ିତ ଶକତି ନେଉ ଅଛି ତଡ଼ି ll

ଉଡ଼ାଇ ନେଉଛି କାଠି କୁଟା ମାନ l

   ଦୁଇପାର୍ଶ୍ୱେ ଶୋଭା ହରିତ କାନନ ll 

କଟକର ପରେ ବଢ଼ାଇଛି ବେଗ l

    କାଲି ଦଶଟାରେ ଦିଲ୍ଲୀ ପହଞ୍ଚିବ ll

ନଗରେସୂ ଦିଲ୍ଲୀ ପୁଷ୍ପ ମଧ୍ୟେ ମଲ୍ଲି l

   ଭାଗ୍ୟେ ନାହିଁ କରିବାକୁ ବୁଲାବୁଲି ll

ଜାମ୍ମୁ ଯିବି ପୁଣି ସନ୍ଧ୍ୟାବେଳ ଗାଡ଼ି l

   ପହଞ୍ଚିବ ଯାଇ ସକାଳେ ଦୋଉଡ଼ି ll

ଝିଅ ଘରେ ରହି ପଞ୍ଚବିଂଶ ଦିନ l

    ସେଠାରୁ ବାହୁଡ଼ି ଯିବୁ ବୃନ୍ଦାବନ ll

ଜାମ୍ମୁରେ ଦର୍ଶନ ପ୍ରଭୁ ରଘୁନାଥ l

    ମାଆ ଭଦ୍ରକାଳି ଜଗତ ବିଖ୍ୟାତ ll

ରାଜା ହରିସିଂହ ବିଶାଳ ଭବନ l

   ବୈଷ୍ନୋମାତାଙ୍କର ଶୁଭ ଦରଶନ ll

ଝିଅଘରେ ଶେଷହୋଇଲା ରହଣି l

    ବୃନ୍ଦାବନେ ଡାକୁଛନ୍ତି ନନ୍ଦରାଣୀ ll

ଆନନ୍ଦେ ଯମୁନା ଜଳ କରି ପାନ l

    ପରିକ୍ରମା କରି ଗିରି ଗୋବର୍ଦ୍ଧନ ll

ବୃନ୍ଦାବନଚନ୍ଦ୍ରେ ପୁଣି କରି ଦେଖା l

     ଛଡ଼ାଇବୁ ଦରଶନ ମନ ରଙ୍କା ll

ରାଧାକୁଣ୍ଡ ଶ୍ୟାମକୁଣ୍ଡରେ ସ୍ନାହାନ l

     ଦରଶନ କେଳି କୁଞ୍ଜ ନିଧିବନ ll

ବ୍ରଜପୂରେ ଦେଖି ବିଭିନ୍ନ ସ୍ଥାନକୁ l

    ଗାଡ଼ି ଛାଡ଼ି ଦେବ ଭୁବନେଶ୍ୱରକୁ ll

ଗାନ୍ଧି ମହାତ୍ମାଙ୍କ ପୁଣ୍ୟ ଜନ୍ମ ଦିନ l

     ପହଞ୍ଚିବୁ ଯାଇ ଏକାମ୍ର କାନନ ll

ଏହିପରି ଆମ ଯାତ୍ରା ଶେଷହେବ l

    ସଙ୍ଗେ ଅରୁନ୍ଧତୀ ଯାତ୍ରା ନବାଧିବ ll