ଆମ ଯୁବ ଶକ୍ତି
ଆମ ଯୁବ ଶକ୍ତି
ଯୁଗେ ଯୁଗେ ଯୁବ ଶକ୍ତି ଦେଶର ସମ୍ପଦ
ଦେଶର ପ୍ରଗତି ଯୁବା ହାତରେ ସମ୍ଭବ ।
ପିତୃ ସତ୍ୟ ପାଇଁ ରାମ ବରି ବନବାସ
ଭ୍ରାତୃ ଭକ୍ତ ଲକ୍ଷ୍ମଣ ଭରତ ଭାବେ ଦାସ ।
ଶ୍ରବଣ କୁମାର ବହି କନ୍ଧେ ମାତା ପିତା
ସକଳ ତୀର୍ଥ ଭ୍ରମଣ ପୂର୍ଣ୍ଣ ମନବାଞ୍ଛା ।
ରାଣ୍ଡି ପୁଅ ଅନନ୍ତା ଟି ଆତ୍ମବଳି ଦେଇ
ବଢି କବଳରୁ ଗ୍ରାମ ସୁରକ୍ଷା ଦିଅଇ ।
ସହୀଦ ଭଗତ ଖୁଦିରାମ ରାଜଗୁରୁ
ଚନ୍ଦ୍ରଶେଖର ଆଜାଦ ଦେଶ ପାଇଁ ଗରୁ ।
ନେତାଜୀ ବିବେକାନନ୍ଦ ଯୌବନ ଉଦ୍ଦାମେ
ଜଗତକୁ ଦେଶପ୍ରେମ ଦୀକ୍ଷା ଦେଲେ ମର୍ମେ ।
କଳ୍ପନା ଚାଓଲା ପୁଣି ସୁନିତା ଉଇଲିୟମ୍
ବୀରତ୍ବର ଗାଥା ଅଭିନନ୍ଦନଙ୍କ ଦେଶ ପ୍ରେମ।
ଭାରତର ଯୁବ ଶକ୍ତି ବିଶ୍ୱରେ ବିରଳ
ବ୍ୟାପିଛନ୍ତି ଚତୁର୍ଦିଗ ନଭ ଜଳ ସ୍ଥଳ ।
ନବ ନବୋନ୍ମେଷ ପ୍ରଜ୍ଞା ପ୍ରତିଭା ବଳରେ
ଦେଶର ଶିର ଉନ୍ନତ କରନ୍ତି ଆଭା ରେ ।
ବିଦେଶୀ ସଭ୍ୟତା ଆଜି କରୁଛି ବାଇଆ
ଚାକଚକ୍ୟ ବିଳାସରେ ସଭିଏଁ କିମିଆଁ ।
ହ୍ୱାଟସାପ ଫେସବୁକ୍ ଚାଟିଙ୍ଗ ଡେଟିଙ୍ଗ
ସେଇଥିରେ ଦିନ ବିତେ କରିଣ ସେଟିଙ୍ଗ ।
ରୂପ ପ୍ରଲୋଭନେ ପଡି ପ୍ରେମ ନାମ ଧରି
ଭାବନ୍ତି ସଂସାର ପାରା ହୋଇବେ ସେ ପାରି ।
ବିବାହ ଧୂମଧାମରେ ବିଛେଦ ତା ପଛ
ସାତ ଜନମକୁ ସାଥି ହେଲା ଆଜି ମିଛ ।
ଟିକଟକ ପିଛା ପଡି ପାଉଛନ୍ତି ତୋଡା
ଯୁବ ଶକ୍ତି ସୁଧୁରିଲେ ଦେଶ ହେବ ଛିଡା ।