ଆମ ସରକାର
ଆମ ସରକାର
ଆମ ସରକାର ବହୁତ ଉଦାର
ରଖନ୍ତିନି କାହା ଉଦ୍ଧାର
ନିର୍ବାଚନ ପରେ ଚୁକାନ୍ତି ହିସାବ
ନକରି ପାତର ଅନ୍ତର
ସବୁ ମଦ ଭାଟି ଦେଇଥିଲେ ଭେଟି
ମଜା ଆସିଥିଲା ପ୍ରଚାର
ଭୁଲିନି ଶାସନ ତାଙ୍କ ଅନୁଦାନ
ମିଳିବ ତାଙ୍କୁ ପୁରସ୍କାର
ମିଳିବ ଫଳକ ବିକିଲେ ଅଧିକ
କୁହନ୍ତି ଆମ ସରକାର
ମଦୁଆ ବଢିବେ ରାସ୍ତାରେ ଗଡିବେ
ଭରିବ ରାଜସ୍ବ ଭଣ୍ତାର
ଘର ବାଡି ବିକି ମଦ ଟା ପିଇକି
ଉଜୁଡୁ ତାହାର ସଂସାର
ଗାନ୍ଧି ମୁଣ୍ତ ଖଣ୍ତେ ହାତେ ପଡିଗଲେ
ବନିବ ଆମର ଭୋଟର
ଗରିବ ରହିଲେ ଚାଲିବ ଯୋଜନା
ନେତାଙ୍କୁ ମିଳିବ ପାଉଣା
ମଦ ପିଇ ପିଇ ରାଜକୋଷ ଭର
ହୁଅନି ଯମା ବାଟବଣା