ଆମ ସମ୍ବିଧାନ

ଆମ ସମ୍ବିଧାନ ଆମରି ତ ବଳ

   ଆମେ ଶାସନ କରୁଛୁ

ଆଇନ ଗଢୁଛୁ ଆଇନ ଭାଙ୍ଗୁଛୁ

   ଆଇନ ମାନି ଚଳୁଛୁ ।

ସାର୍ବଭୌମ ଆମ ଗଣତନ୍ତ୍ର ରାଷ୍ଟ୍ର

    ସବୁ ହୃଦୟ ଜିତିଛୁ

ସମସ୍ତଙ୍କ ପାଇଁ ଦ୍ୱାର ତାର ଖୋଲା

    ଭଲ ପାଇବା ଦେଇଛୁ ।

ସମ୍ବିଧାନ ଧାରା ଅନୁସାରେ ଆମେ

   ଅବିରତ ଚାଲି ଅଛୁ

ସବୁ ଅଧିକାର ସମସ୍ତଙ୍କ ପାଇଁ

   ଧର୍ମକୁ ଆମେ ମାନୁଛୁ ।

ସତ୍ୟ ଧର୍ମ ନ୍ୟାୟ ପଥରେ ସଂଘର୍ଷ 

   କରି ଆମେ ଚାଲୁଅଛୁ

ଭାରତବାସୀ ଆମେ ବଡ ସାହସୀ

   ଜଗତେ ବୋଲାଉ ଅଛୁ । 

ସମ୍ବିଧାନ ପ୍ରଣେତା ଆମ୍ବେକର ସେ 

   ତାଙ୍କୁ ସମ୍ମାନ ଦେଉଛୁ

ଜାନୁଆରୀ ଛବିଶି ଏକତା ଭାବରେ

   ଆମେ ପାଳନ କରୁଛୁ ।

ତାଙ୍କ ପାଇଁ ଆଜି ସମ୍ବିଧାନ ସୃଷ୍ଟି 

   ତାଙ୍କୁ ପ୍ରଣାମ କରୁଛୁ

ସାଧାରଣତନ୍ତ୍ର ପାଳୁଛୁ ଆନନ୍ଦେ

   ତ୍ରିରଙ୍ଗା ଉଡାଉ ଅଛୁ ।

ତାଙ୍କ ସମ୍ବିଧାନ କାର୍ଯ୍ୟକାରୀ କରି

   ଦେଶ ଆମେ ଚଳାଉଛୁ 

ଉଣେଇଶି ଶହ ପଚାଶ ମସିହା

   ହୃଦୟେ ଛାପି ରଖିଛୁ ।

ଆମ ସମ୍ବିଧାନ ବଳରେ ଆମେ ତ 

    ଆଗକୁ ମାଡି ଚାଲିଛୁ

ଜାତୀୟ ଦିବସ ଜାନୁଆରୀ ଛବିଶି

   ଏ କଥା ମନେ ରଖିଛୁ ।

ସାଧାରଣତନ୍ତ୍ର କୁହାଯାଏ ପୁଣି

   ଏକଥା ନ ଭୁଲି ଅଛୁ

ଲୋକମାନଙ୍କର ପାଇଁ ଏ ଶାସନ

   ଆମେ ଦେଶ ଚଳାଉଛୁ ।।