ଆମ ପରିବାର
ଆମ ପରିବାର
ବଗିଚାର ପୁଷ୍ପ ଘର ମନ୍ଦିର
ଗଂଗଶିଉଳି ଓ ମଂଡା ମନ୍ଦାର,
ଟଗର, ମଲ୍ଲୀକୁ ଚମ୍ପା ଗୋଲାଚି
ସଜାଅ ପାଛିଆ ଫୁଲରେ ବାଛି ।
ହରଗୌରା ଗନ୍ଧରାଜ କେରାଟ
କଇଁ ପଦ୍ମ ରାଧାକୃଷ୍ଣଙ୍କୁ ଭେଟ,
ଠାକୁର ବାସନ ଏକାଠି ଥୁଆ
ତାକୁ ମଜା ପରେ ମନ୍ଦିର ଧୁଆ ।
ବିବେକ ବାବୁଲା ଖୋକନା ନନା
ସକାଳେ ସଂନ୍ଧ୍ୟାରେ ପୂଜା ଅର୍ଚ୍ଚନା,
ଲକ୍ଷ୍ମୀ କୋଣେ ଦୀପ ତୁଳସୀ ମୂଳେ
ପ୍ରଦକ୍ଷିଣେ ଶାନ୍ତି ମନରେ ମିଳେ ।
ପିଅ ନିତି ପଞ୍ଚ ଅମୃତ ଜଳ
ନିରୋଗ ରହିବ ଜୀବନ କାଳ,
ତୁଳସୀ ମାଆଙ୍କ ଧଳା ଚଉରା
ବୈଶାଖରେ ଠେକି ଜଳରେ ଭରା ।
ବୃନ୍ଦାବତୀ ଦେବୀ ମାଆ ତୁଳସୀ
ବୈଶାଖ୍ୟେ କାର୍ତ୍ତିକେ ପୁଜନ୍ତି ବେଶି,
ପରବ ପାର୍ବଣ ଯେ ବାରମାସ
କର୍ମ ଧର୍ମ ସଂଗେ ଯେ ଉପବାସ ।
ଛଞ୍ଚ ପୋଛା ଝୁଟି ଯେ ଘର ସାରା
ଖୁଆ ଓଖୁଡାକୁ ନଡିଆକୁରା ,
ଗଢ଼େ ମୂଷାଭାଇ ଫୁଲର ମାଳ
ସାଜି ରାଧାକୃଷ୍ଣ ଆମୂଳଚୁଳ ।
ରାକ୍ଷୀ ପୂର୍ଣ୍ଣିମାରେ ଝୁଲଣ ଦୋଳି
ରାଧାକୃଷ୍ଣ କୁଞ୍ଜେ ଖେଳନ୍ତି ମିଳି,
ଝିଲମିଲି ରଂଗେ ସାଜେ ବିମାନ
ରଘୁ ବିଶୁ ନିତା କରେ କୀର୍ତ୍ତନ ।
ଦିଅ ହେ ବିମାନ ଧିରେ ଝୁଲାଇ
ଶ୍ରୀଲକ୍ଷ୍ମୀ ନାରାୟଣଙ୍କୁ ଚାହିଁ,
ସାରା ପରିବାର ଏକାଠି ହୋଇ
ଭାବ ଆବେଗରେ ଭଜନ ଗାଇ ।
ଶାଳଗ୍ରାମେ ପୁଜା ପାଅ ଆପଣ
ରାଧାକୃଷ୍ଣ ଶ୍ରୀଲକ୍ଷ୍ମୀ ନାରାୟଣ,
ଠାକୁରଂକ ପୂଜା ସଭିଂକ ପାଇଁ
ତାଙ୍କ ପୁଜା ହେଳା କରିବ ନାହିଁ ।
ଥାଇ ଜମିଦାର ପୂର୍ବ ପୁରୁଷ
ଉପନାମ ନିଜ ରଖିଲେ ଦାସ ,
ଈଶ୍ୱର ଆଶିଷ ଅପାର ଲାଭ
ସେବାରେ ମହାମାୟା ପଦ୍ମନାଭ ।
ଗାଅ ହରେ କୃଷ୍ଣ ଓ ହରେ ରାମ
କଳିରେ କେବଳ ଶ୍ରୀହରିନାମ ,
ଦାସ ପରିବାର ହୋଇ ଏକତ୍ର
ଉଡାଅ ବଂଶର ନେତ ସର୍ବତ୍ର ।