ଆମ ନଈ

ଗାଆଁର ପାଖରେ ଖଡ଼ଖାଇ ନଈ

ବହୁ ଥାଏ ଅହରହ

ନିର୍ମଳ ଜଳ ହିଁ ପ୍ରବାହିତ ହୁଏ

ପବିତ୍ର ହିଁ ତା ପ୍ରବାହ ।

ପ୍ରଖର ଅତିହିଁ ନଈ ନୀର ତହିଁ

ପଥର ହିଁ ମାଳମାଳ,

ନଈ ବଢି ତହିଁ ବର୍ଷର ଋତୁରେ

ଭୟଙ୍କର ଦିଶେ ଜଳ ।

କଳ୍ପନା କବିର ଗୁଞ୍ଜନ କରେଟି

ସୁନ୍ଦର ଦୃଶ୍ୟକୁ ଦେଖି,

କଳମ ମୁନରେ ରୂପ ଦେଉ ଥାଏ

ଜଳପୂର୍ଣ୍ଣ ଦୃଶ୍ୟ ଦେଖି ।

ଭାସି ଆସୁ ଥାଏ ଗଛ ଲତା ପୁଷ୍ପ

ଅତିହିଁ ପ୍ରଖର ବେଗେ,

ମନ ମହୁ ଥାଏ ଜଳପୂର୍ଣ୍ଣ ନଈ

ଘଡଘଡି ବର୍ଷା ସଙ୍ଗେ ।

କମ୍ପିତ କରେ ସେ ଘଡଘଡି ଶବ୍ଦ

ବିଜୁଳିର ତୀକ୍ଷ୍ଣ ଧାରେ

ଜଳପୂର୍ଣ୍ଣ ନଈ ଭୟଭୀତ କରେ

ପ୍ରଚଣ୍ଡ ବର୍ଷାର ଧାରେ ।

ମାଡ଼ି ଆସିବ କି ନଈ ବଢି ଆଜି

ନଈ ଦିଶେ ଭୟଙ୍କର,

ତା ସଙ୍ଗକୁ ପୁଣି ଭୟଙ୍କର ବର୍ଷା

ତହିଁ ଘଡଘଡି ସ୍ବର ।

ବିଜୁଳି ଆଲୋକ ଭୟଭୀତ କରେ

କମ୍ପୀ ଉଠୁଥାଏ ମହି,

ଭୟଭୀତ କରେ ଭୟଙ୍କର ବଢି

ଜନଶୂନ୍ୟ ହୁଅ ମହି ।

ନଈରେ ଗାଧିବା ଭୟଭୀତ ଅତି

ସତେ କି ଆସୁଛି ମାଡ଼ି,

ନଈରେ ସ୍ନାନାଦି ବନ୍ଦ ହୋଇ ଯାଏ

ଶୁଭୁ ଥାଏ ଘର ରଡି ।

ଜଳପୂର୍ଣ୍ଣ ନଈ ଜଳପୂର୍ଣ୍ଣ ଭୂମି

ଦିଶେଟି ଅତି ସୁନ୍ଦର,

ପକ୍ଷୀଙ୍କର ରାବ୍ ପୁଣି ଶୁଭୁ ଥାଏ 

ଶୁଭୁ ଥାଏ ବେଙ୍ଗ ସ୍ବର ।

ଗାଆଁର ପାଖରେ ଖଡ଼ଖାଇ ନଇ

ବହୁ ଥାଏ ଅହରହ,

ନିର୍ମଳ ଜଳ ହିଁ ପ୍ରଭାବିତ ହୁଏ

ପବିତ୍ର ହିଁ ତା ପ୍ରବାହ ।