ଆମ ଇତିହାସ ସାକ୍ଷୀ

ଗଙ୍ଗାଠାରୁ ଗୋଦାବରୀ ବ୍ୟାପିଥିଲା

ଓଡିଶା କୀରତିରାଜି

ହଜିଗଲା କାହିଁ ଅତୀତ ଗୌରବ

ତାକୁ ମୁଁ ପାଉନି ଖୋଜି l

ଧଉଳି ପାହାଡ଼ ମଥା ଟେକିଅଛି

ଏ ମାଟିର ବୁକୁ ପରେ

କଳିଙ୍ଗ ଯୁଦ୍ଧର ମୂକ ସାକ୍ଷୀ ସେ ତ

ଉଭା ଦୟା ନଦୀ ତୀରେ l

ଜଗନ୍ନାଥ ଧାମ ପୃଥିବୀ ପ୍ରସିଦ୍ଧ

ଏକତାର ବାର୍ତ୍ତାବହ

ଜାତି, ଧର୍ମ, ବର୍ଣ୍ଣ ସବୁ ସମ୍ପ୍ରଦାୟ

କାଳିଆ ସାଆନ୍ତ ସହ l

ବୀର ଓଡ଼ିଆର ଗତ ଗୌରବ

ଭଗ୍ନ ବାରବାଟୀ ଆମ

କେତେ ବୀର ଶିର ଲୋଟିଛି ଏଠାରେ

ତାହାଙ୍କୁ ଶତ ପ୍ରଣାମ l

ଆଶା ର କୋଣାର୍କ ଏବେ ବି ଅମର

ଗାଏ ଧରମାର ଗୁଣ

'ଭାଇରେ ଦାଏ କି ପୁଅରେ ଦାଏ '

ସୃଷ୍ଟିକରେ ଗୁଞ୍ଜରଣ l

କାର୍ତ୍ତିକ ପୂର୍ଣ୍ଣିମା ବୋଇତ ବନ୍ଦାଣ

ଆମ ଇତିହାସ ସାକ୍ଷୀ

ସାଧବ ପୁଅର ବଣିଜ ବେପାର

ମନେ ଦେଉଅଛି ଲେଖି l