Library
Profile
ଆମ ଏ ଜୀବନ
ଆମ ଏ ଜୀବନ
ଜନ୍ମ ଓ ମୃତ୍ୟୁର ପରିଧି ଭିତରେ
ସୀମିତ ଆମ ଏ ଜୀବନ
ବାସ୍ତବ ଓ ଅବାସ୍ତର ସମ୍ମିଶ୍ରଣ
ଆମ ଏ ଜୀବନ ।
ସତ ମିଛର ଛକି ଶୂନ୍ୟ
ଆମ ଏ ଜୀବନ
ଅଜ୍ଞାନ ଅନ୍ଧକାର
ବିଜ୍ଞାନ ଓ ସୁଜ୍ଞାନର
ଆଲୋକେ ପରିପୂର୍ଣ୍ଣ
ଆମ ଏ ଜୀବନ ।
ଯନ୍ତ୍ରଣା ଜର୍ଜରିତେ ଭରା
ଆମ ଏ ଜୀବନ
ଶୈଶବ, କୈଶୋର, ଯୌବନ ଓ
ବାର୍ଦ୍ଧକ୍ୟ ର ପାହାଚ ଓ ପରିସ୍ଥିତିକୁ ନେଇ
ଗଢା ଆମ ଏ ଜୀବନ ।
ଆନନ୍ଦ ଉଲ୍ଲାସ ଭୋଗ ଉପଭୋଗେ
ଭରା ଆମ ଏ ଜୀବନ
ବିରହ ବିଚ୍ଛେଦ ର ନିରାନନ୍ଦେ ମଧ୍ୟ
ପରିପୂର୍ଣ୍ଣ ଆମ ଏ ଜୀବନ
କୂଟ କପଟ ଛଳନାରେ ଭରା
ଜଟିଳ ପରିସ୍ଥିତି ଦେଇ
ଗତି କରୁଥିବା ଦୁଃଖ କଷ୍ଟର
ସମାହାର ଆମ ଏ ଜୀବନ ।
ପ୍ରିୟ ଅପ୍ରିୟର ସମଷ୍ଟି
ଆମ ଏ ଜୀବନ
ମାନ ଅଭିମାନେ ଭରପୂର
ଆମ ଏ ଜୀବନ
ହିଂସା ଦ୍ୱେଷ ବିଦ୍ୱେଷ ଭାବପୋଷଣ ରେ
ପରିପୂର୍ଣ୍ଣ ଆମ ଏ ଜୀବନ ।
ନେତା ଅଭିନେତା ସାଧାରଣ ଜନତାଙ୍କ
ମଧ୍ୟେ ପରିବ୍ୟାପ୍ତ ଆମ ଏ ଜୀବନ
ଯୁଦ୍ଧ ଶାନ୍ତି ମୈତ୍ରୀ ଏକତା ଓ ବିଭିନ୍ନତା ମଧ୍ୟେ
ପରିପୂର୍ଣ୍ଣ ଆମ ଏ ଜୀବନ
ସମାଧାନ ଓ ଦ୍ଵନ୍ଦ୍ଵ ର ସମାହାର ମଧ୍ୟେ
ଆମ ଏ ଜୀବନ ।
ପରିବାର ପରିବେଶ ଓ ପୃଥିବୀ ମଧ୍ୟେ
ଗଢା ଆମ ଏ ଜୀବନ
ନିନ୍ଦା ଅପବାଦ ମଧ୍ୟେ ଆମ ଏ ଜୀବନ
ପ୍ରଶଂସା ଓ ପ୍ରତିହିଂସା ମଧ୍ୟେ ଗଠିତ
ଆମ ଏ ଜୀବନ ।
