ଆମ ଭାଷା ଆମ ମାଆ ପରି
ଆମ ଭାଷା ଆମ ମାଆ ପରି
ଆମ ଭାଷା ଅଟେ ଆମ ମାଆ ପରି
ସରସ ସୁନ୍ଦର ଅତି
ବାଣୀ ଠାରୁ ଅର୍ଥ ଜଳ ଠାରୁବୀଚି
ଯେସନେ ଭିନ୍ନ ନୁହନ୍ତି ।
ମାତାଯେହ୍ନେ ବୁଝେ ନିଜ ସନ୍ତାନ୍ତର
ହୃଦୟର ଯେତେ ବ୍ୟଥା
ଭାଷାସେହିପରି ଥାଏ ବ୍ୟକ୍ତ କରି
ଅନ୍ତର ନିହିତ କଥା ।
ମାତୃଭାଷା ବିନା ବ୍ୟର୍ଥ ଅଟେ ସିନା
ସଂସାରର ଯେତେ ଜ୍ଞାନ
ବୁଝିବା ପାଇଁକି ଲୋଡ଼ା ହୁଏ ନାହିଁ
ବ୍ୟାକରଣ ଅଭିଧାନ ।
ଭାଷା ନୁହେଁ ସିଏ ମାଆର ମମତା
ବାତ୍ସଲ୍ୟ ରସରେ ଭରା
ତାର ବଳେ ସର୍ବେ ଲଭିଛନ୍ତି ଭବେ
ମଣିଷ ପଣିଆ ପରା ।
ଆପଣା ସଂସ୍କୃତି ହୋଇବ ଉନ୍ନତି
ମାତୃଭାଷା କଲେ ଳୟ
ମାଆପରିବର୍ତ୍ତେ ମାଉସୀ ସେବିଲେ
ଜାତିର ହୋଇବ କ୍ଷୟ ।
ମାଆ ମାତୃଭାଷା ଯେ କରେ ଭରସା
ଉତ୍ତମ ପୁରୁଷ ସେହି
ତା ଠାରୁ ମହତ ସୁଜ୍ଞାନୀ ପଣ୍ଡିତ
ଜଗତେ ନାହାନ୍ତି କେହି ।