ଆଲୋ ସଙ୍ଗାତ ନରେନ୍ଦ୍ର ଯିବା

ଆ ଆଲୋ ସଙ୍ଗାତ ନରେନ୍ଦ୍ର ଯିବା

ପୁନେଇଁରେ ଆମେ ଡ଼ଙ୍ଗା ଛାଡ଼ିବା

କୋଟି ତୀର୍ଥ ମିଶି ହୋଇଛି ନରେନ୍ଦ୍ର

ଦେଖାଶୁଣା ଯାକୁ କରୁଛନ୍ତି ଇନ୍ଦ୍ର

    ନିତି ସ୍ନାନ ଲକ୍ଷେ ଦେବା ।

ଧରମ ମାସର ପୁନେଇଁ ଏହିଲୋ

ଗଙ୍ଗାଜଳ ସ୍ନାନେ ଭସାଇ ଦେବାଲୋ

ବରଷକ ପାପ ଦେହରୁ ଛାଡ଼ିବା

ହବିଷ ବ୍ରତରେ ଡୋରି ତ ବାନ୍ଧିବା

     କରି ପ୍ରଭୁ ପାଦ ସେବା ।

ମତ୍ସ୍ୟ ଅବତାରେ ତ୍ରିଲୋକ୍ୟ ସାଇଁ

ଶିବେ  ତ୍ରିପୁରା  ଅସୁର  ମରଇ

ରାଧା କୃଷ୍ଣ ରାସ କେଳି ମନଲୋଭା

ପ୍ରତି ରାସକୁଞ୍ଜେ ମନୋରମ ଶୋଭା

     କରି ବନ୍ଦାପନା ସେବା ।