ଆଲୋ ବାରମାସୀ

ଆଲୋ ବାରମାସୀ

ବଜାର ଭାଉକୁ ଜାଣିକି ଅଜାଣି 

ନିଇତି କହୁଚୁ ଖାଇବୁ ଖାସି

ଆଲୋ ବାରମାସୀ

ହୋଟେଲ ଖାନାକୁ ମନଟା ଉସତ

ଆଗରୁ ଚଳିଚୁ ତୋରାଣି ବାସି

ଆଲୋ ବାରମାସୀ

ଶାଗକୁ ଖୁଣ୍ଟିକି ନଖ ତୋ ମୁଣ୍ଡାଲୋ

ଶାଗକୁ ଛାଟୁଛୁ କୋଣକୁ ଠେସି

ଆଲୋ ବାରମାସୀ

କପଡ଼ା ଭଲୁଟେ ଦିହରେ ନ ଥିଲା

ଏବେକୁ ଖୋଜୁଚୁ ପାଟକୁ ବେଶି

ଆଲୋ ବାରମାସୀ

ଲିପଷ୍ଟିକ୍ ନାଲି ଓଠକୁ ରଙ୍ଗଉ

ବିଡ଼ିଆ ପାନରୁ ଯାଇଚୁ ଖସି

ଆଲୋ ବାରମାସୀ

କଥାରେ ବାଟୁଳି ଏମିତି ମାରୁଚୁ

ପାଣିରେ ସରକୁ ପକାଉ ହସି

ଆଲୋ ବାରମାସୀ

ବାହାନା କାନ୍ଦିବା ତୋ'ଠାରୁ ଶିଖିବ

କାହାକୁ କେମିତି ପଟାଉ ଖୁସି

ଆଲୋ ବାରମାସୀ

ଆଗରୁ ଥିଲୁଟି ଚାଳିଆ ଘରେଲୋ

ଏବେ ତୁ ଛାତକୁ ଲୋଡୁଚୁ ଆସି

ଆଲୋ ବାରମାସୀ

ସେନେହ ଶରଧା ଛାଡ଼ିକି ଆଇଚୁ

ଘରର ଲୋକଙ୍କୁ କରୁଚୁ ଦୋଷୀ

ଆଲୋ ବାରମାସୀ

ଜଲଦି ବାଟକୁ ସଳଖ ହୋଇଯା

ନଇଲେ ଖାଇବୁ ବଢ଼ିଆ ଘୁଷି