ଆଖିରୁ ଆଖିରୁ ନାମ

ଶୂନ୍ୟର ବ୍ରହ୍ମାଣ୍ଡ ପରାଏ ଆଖି ତ

    ଚକାଆଖି ଚକାନୟନ

ପଦୁଅଁ ସଦୃଶ ଢଳ ଢଳ ନେତ୍ର

    ପଦ୍ମନେତ୍ର ପଦ୍ମନୟନ

ଦେଖି ହଜିଯାଏ ଭକ୍ତ ମନ ।

ପାଇ ଦିବ୍ୟଦୃଷ୍ଟି ଏ ଜଗତ ସୃଷ୍ଟି

    ଦିବ୍ୟଦୃଷ୍ଟି ଦିବ୍ୟଲୋଚନ

ଦେଖୁଛ ଜଗତ ବିଶାଳ ଆଖିରେ

    ନାମଟି ବିଶାଳ ନୟନ

ଶୋଭାରେ କମଳ ଆଖି କମଳାଖି

    ଡାକନ୍ତି କମଳ ନୟନ ।

ସୌନ୍ଦର୍ଯ୍ୟ ପଣରେ ତୁ କଞ୍ଜଲୋଚନ

    ପୁଣିତ ରାଜିବଲୋଚନ

ଶୂନର ପରାଏ ଚକା ଚକା ଆଖି

    ଚକାଡୋଳା ରବିଲୋଚନ

ପଲକ ପଡ଼େନି ଅପଲକ ନେତ୍ର

    କେତେ ନାମ ମଧୁସୂଦନ ।