ଆଜିର ରାବଣଗୋଷ୍ଠୀ

ଥିଲା ଏକ ରାବଣ ଯାହା ଭିତରେ 

ଅହଙ୍କାର ଥିଲା

ତା ମନରେ ମଧ୍ୟ ଅନୁତାପ କରିବାର 

ଶକ୍ତି ବି ଥିଲା ।

ସେଇ ରାବଣ ଭିତରେ ପୁରି ରହିଥିଲା 

କାମୁକତା  

ସାମର୍ଥ୍ୟ ତ ଭରି ରହିଥିଲା କିନ୍ତୁ ତାର 

ସଂଯମତା ।

ଅପହରଣ କରି ନେଇଥିଲା ବିବାହିତ 

ସ୍ତ୍ରୀ ସୀତାଙ୍କୁ 

ସଂକଳ୍ପ ମଧ୍ୟ ଥିଲା ସ୍ପର୍ଶ କରିବନି ସେ

ବିନାନୁମତିରେ ପର ସ୍ତ୍ରୀକୁ ।

ଚାଲ ଏବେ ଯିବା ଦୁର୍ଗା ମଣ୍ଡପ ଗୁଡିକୁ 

ତଦାରଖ କରିବାକୁ

ଦୁଃଖ ଲାଗେ, ପାଇବା ଦୁର୍ଗା ପୂଜା ନାମେ 

ଚାନ୍ଦା ଆଦାୟକାରୀଙ୍କୁ ।

ରାଜନୀତି କାର୍ପଟଦାର ମାନେ ସେମାନ

ଙ୍କୁ ହାତେଇଛନ୍ତି

ଭୋଟ ଯୋଜନାରେ, ମଦତ୍ ପାଆନ୍ତି 

ଗୁଣ୍ତା ଟୋକାଶକ୍ତି ।

ବର୍ଷକୁ ପାଂଚ ଥର ଠାକୁର ମୂରତିକୁ 

ଭସାଣୀ ନାମରେ

ମଦ ମାଂସ ଖାଇ ଉତ୍ପାତ କରନ୍ତି 

ସାଧାରଣ ମଣିଷ ଉପରେ ।

ଜୁଲମ ଚାନ୍ଦା ପଇସାରେ, ଡି. ଜେ. 

ବଜାନ୍ତି ଦିନ ଦିନ ଧରି, 

ନିଶାରେ ସବୁଗୁଡା ଚୁର, ଶୋଇ 

ହୁଏନି ସ୍ତ୍ରୀ ପିଲାଛୁଆ ଧରି ।

ଲଜ୍ୟାକୁ ଭୟ, ଆଦାୟକାରୀଙ୍କ 

ଅସଦାଚରଣକୁ ବି ଡର

ବହୁ କାମୁକ ଅପହରଣକାରୀ ସୃଷ୍ଟି 

ହୁଅନ୍ତି ଏଇ ଦେଶ ଭିତର ।

ଏବେର ରାବଣ ଗୁଡାଙ୍କ ଭିତରେ 

ଭରି ରହିଛି ଅହଙ୍କାର 

ମନରେ କିନ୍ତୁ ଶକ୍ତି ନାହିଁ ସେମାନଙ୍କ 

ଅନୁତାପ କରିବାର ।

ଏବେର ରାବଣ ଭିତରେ ପୁରି ରହିଛି 

ନିଶା ଓ କାମୁକତା  

ସଂଯମତା ସାମର୍ଥ୍ୟ କୁଆଡୁ ଆସିବ

ହରାଇଛନ୍ତି ମନୁଷ୍ୟତା ।

ଅପହରଣ କରି ନେଉଛନ୍ତି ଅବଳା 

ନିର୍ବଳା ଏକଲା ନାରୀଙ୍କୁ

ଛାଡନ୍ତିନି ତିନି ଚାରି ବରଷର କନ୍ୟାରତ୍ନ 

ଅବା ବିବାହିତ ସ୍ତ୍ରୀଙ୍କୁ ।

ନାହିଁ ପବିତ୍ରତା, ଛୁରୀ ଭୂଜାଲିର ମାଡ 

କାହାକୁ ଡରିବୁ କେତେ

ସବୁ ତ ହୋଇଛନ୍ତି ସରକାରୀ ଦଳିଆ 

ଆଇନ ତାଙ୍କରି ହାତେ ।

ହେ ସବୁ ଧରମ ପ୍ରବଚକ ଅବତାର ବୋଲି 

କହି ବୁଲୁଛ ନିଜକୁ 

ଭକ୍ତ ଠୁଳେଇକି ଭାଗ ନେଉଛ, ଉତ୍ତର ଦିଅ

କେତେ ଦିନ କାବୁ କରିବ ଆମକୁ ।