ଆଜି କାଇଁ ସେଇ ରଜ

ଆଜି କାଇଁ ସେଇ ରଜ

କୁଆଁରୀର ସେଇ ଲାଜ

କୁକ୍କୁମ ଅଳତା ସଜ

ଦୋଳି ର ସେଇ ମଉଜ ।।

ଆଜି କାଇଁ ସେଇ ରଜ...

ଆମ୍ବତୋଟା ଆଜି ଖାଲି

ଦିଶୁନାହିଁ ପାଟି ନାଲି

ନାହିଁ ପୋଡପିଠା ଚୂଲି

ଗାଆଁ ଲାଗେ ଖାଲି ଖାଲି ।।

ଆଜି କାଇଁ ସେଇ ରଜ ...

ଉଡୁ ନାହିଁ ଆଜି ଗୁଡି

ଭୁଲିଲେ ଭାଇ କବାଡି

 ଖେଳ ପୁଚି ବା କଉଡ଼ି

ଶୁଭୁନି ଗୀତର ରୋଡି ।।

ଆଜି କାଇଁ ସେଇ ରଜ...

ନାହିଁ ଆଜି ପଟା ଦୋଳି

ସାଙ୍ଗସାଥୀ ସେହି ମେଳି

ପର୍ବ ଅତିଥି ଗୋହଳି

ଶୁଭୁନି ପିଲାର ଅଳି ।।

ଆଜି କାଇଁ ସେଇ ରଜ ....

ଭୂଳିରେ ଆମ ସସ୍କୃତି

ପରମ୍ପରା ରୀତି ନୀତି 

ପାଶ୍ଚାତ୍ୟ ରେ ଗଲେ ମାତି

ସଂସ୍କୃତି କୁ କରି ଇତି ।।

ଆଜି କାଇଁ ସେଇ ରଜ ।