ଆଜି ଆମ ଗାଁ ଯାତେରା

ଆଜି ଆମ ଗାଁ

ଯାତେରା

କିନ୍ତୁ ମୋର ମନେ ନାହିଁ

ଭୁଲିଯାଇଥିଲି କିଛି ସମୟ ପାଇଁ l

ଗାଁରେ ଜମିଥାନ୍ତା

ବନ୍ଧୁବାନ୍ଧବଙ୍କ ଗହଳି

କେତେ ପିଠାପଣା

ମଣ୍ଡା, ଆରିସା ଆଉ ଚକୁଳି l l

ଜନସମାଗମ ରେ

ମନଲୋଭା ଦିଶୁଥାନ୍ତା

ଶଙ୍ଖ,ଘଣ୍ଟ ଧ୍ୱନୀରେ

ପରିବେଶ କମ୍ପିଥାନ୍ତା l

କିନ୍ତୁ ବିଧାତାର ବିଧିକୁ

କିଏ ବା ବଦଳାଇ ପାରିବ

ଆଜିର ଦିନ କାଲିର ଇତିହାସ 

କିଏ ବା ତାକୁ ଭୁଲିପରିବ l l

ତଥାପି ଲୋକଙ୍କ ମନରୁ

ଉଣା ହେଇନି ଭକ୍ତି ଆଉ ଶ୍ରଦ୍ଧା

ଚାଲିଛି ଚାଲିବ ପୂଜାର୍ଚ୍ଚନା

ନିୟତିର ଇଚ୍ଛା କୁ କିଏ ଦେବ ବାଧା l

ଅବଶ୍ୟ ଜନସମାଗମ

କିଛି ମାତ୍ରାରେ କମିଛି 

କିନ୍ତୁ ତା ତୁଳନାରେ

ପରିବେଶରେ ଶାନ୍ତି ବିରାଜିଛି l l

କିଛି ସମୟ ପାଇଁ

ଭୁଲି ଯାଇଥିଲି

ଆଜି ଆମ ଗାଁ

ଯାତେରା ବୋଲି l

କିନ୍ତୁ ମନେରଖିଥିବ ଇତିହାସ

ଲାଗିବ ପୁଣି ସେ ଗହଳି

ଚାଲିଥିବା ସେ ପରମ୍ପରା

ଆଜି ନହେଲେ ଆସନ୍ତା କାଲି l l