ଆହେ ପ୍ରଭୁ ଚକାଡୋଳା

ଭକ୍ତସମୁଦ୍ରରେ ଗଡୁଥିଲା ରଥ 

ଭକ୍ତ ଗହଳିରେ ହସୁଥିଲା ପଥ 

ଭକତ ର ଭାବେ ଭକତ ଅଭାବେ 

ଗଡିବ ତୁମର ରଥ କେଉଁ ଭାବେ 

ସବୁ ତୁମ ଲୀଳା ଆହେ ଚକାଡୋଳା 

ଧନ୍ୟ ଧନ୍ୟ ରେ ଉପରବାଲା !

ତୁମ୍ଭ ଭକ୍ତଜନ କଲେ ନିବେଦନ 

ଭକ୍ତବଂଧୁ ବୋଲି ବୁଝିଲ ତ ମନ 

ଭକତ ଶରଧା ଜଗତ କଲ୍ୟାଣ 

ସିଦ୍ଧି ପାଇଁ କେତେ ମାୟାର ଭିଆଣ 

କରି, ହେ ପ୍ରଭୁ ଚକାନୟନ  

 ଦେଉଅଛ ଦରଶନ । 

  

ଭକ୍ତ ହରିବୋଲ ସାଙ୍ଗେ ହୁଳହୁଳି 

ଘଣ୍ଟ ଶଙ୍ଖ ନାଦେ ପଡୁଥିଲା ଉଛୁଳି 

 ବଡ଼ଦାଣ୍ଡୁ ତୁମ ଉଠି ଜୟଘୋଷ 

କମ୍ପୁଥିଲା ନାଦେ ସାରା ଆକାଶ 

ହେଲେ ଆଜି ଏ ବିଚିତ୍ର ଲୀଳା 

ଶୁନ୍ୟ ବ୍ରହ୍ମ ନାଦେ ଜଗତ ଦେଖିଲା ।

ବିଶ୍ଵ ଦରଶନେ ଆଉ ନକରି ହେଳା 

ବଞ୍ଚାଅ ବଞ୍ଚାଅ ପ୍ରଭୁ ଭେଳା 

ନହେଲେ ଏ ଜଗତ ବୁଡିଗଲା !

ସୃଷ୍ଟିକୁ ଦେଖ ମହାମାରୀ ଗ୍ରାସକଲା 

ରକ୍ଷାକର ତୁମ ସଂସାର ଭାସିଗଲା ,

ବିଶ୍ଵନିୟନ୍ତା ଆହେ ପ୍ରଭୁ ଚକାଡୋଳା !