ଆହେ ଚକାଆଖି
ଆହେ ଚକାଆଖି
ଆହେ ଚକାଆଖି କଳା ରଙ୍ଗ ମାଖି
ମଉନେ କାହିଁ ବସିଛ
ସବୁ ଦେଖି ସାରି ନ ଦେଖିଲା ପରି
କି' ଅଭିନୟ କରୁଛ l
ହେ ଚକା ନୟନ ଦୁଃଖ ବିନାଶନ
ତୁମ ବିନୁ ନାହିଁ ଗତି
ଭକତ ତୁମର ତୁମେ ଭକତର
ଆର୍ତ୍ତତ୍ରାଣ ବିଶ୍ଵପତି l
ହେ କଳା ମାଣିକ ସୁବର୍ଣ୍ଣ ବଣିକ
ଯଶୋଦାର ଗଳାମାଳି
କେବେ କ୍ଷେତ୍ରମଣି କେବେ ଚକ୍ରପାଣି
କେବେ ତୁମେ ବନମାଳୀ l
ଭାବ ବିନୋଦିଆ ଭକତ ରସିଆ
କରୁଣାର କୃପାସିନ୍ଧୁ
କୈବଲ୍ୟ ପସରା ଦେବକୀ ଆସରା
ତୁମେ ଦୀନଜନବନ୍ଧୁ l
କର୍ମର ଜଞ୍ଜାଳେ ମୋ ଫଟା କପାଳେ
ଯୋଡୁଅଛି ଦୁଇ ହାତ
ହେ ପ୍ରେମ ସ୍ୱରୂପ ପାବନ ପ୍ରଦୀପ
ଘେନ ମୋର ପ୍ରଣିପାତ l