ଲାଇବ୍ରେରୀ
ପ୍ରୋଫାଇଲ୍
ଆଦି ନାରାୟଣ ଜଗନ୍ନାଥ
ଆଦି ନାରାୟଣ ଜଗନ୍ନାଥ
ନାରାୟଣ ଜଗନ୍ନାଥ ହିଁ ପୁରୁଷ
ସ୍ତ୍ରୀ ରୂପରେ ନାରାୟଣୀ
ଯୋଗମାୟା ରୂପ ନେଇ ବିରାଜିତ
ସ୍ତ୍ରୀ, ପ୍ରବର୍ତ୍ତିକା ,ଭଉଣୀ
ଭଉଣୀ ସୁଭଦ୍ରା ସ୍ତ୍ରୀ ମା' ଲକ୍ଷ୍ମୀ
ମା' ବିମଳା ପ୍ରବର୍ତ୍ତିକା
ନାରାୟଣ ନାରାୟଣୀ ଜଗନ୍ନାଥ
କାଳିଆ ଭକ୍ତିରେ ଡକା
ବୈଦିକ ଓ ତାନ୍ତ୍ରିକ ପୂଜା ବିଧିର
ପ୍ରଚଳନ ଶ୍ରୀମନ୍ଦିରେ
ଆଦି ନାରାୟଣ ରୂପେ ଜଗନ୍ନାଥ
ବିଜେ ରତନ ବେଦୀ ରେ
ଦାରୁବ୍ରହ୍ମ ଜଗନ୍ନାଥ ପରଂବ୍ରହ୍ମ
ଦାରୁ ହିଁ ଅକ୍ଷୟ ବ୍ରହ୍ମ
ଅପରିବର୍ତ୍ତନଶୀଳ ଅବିନାଶୀ
ସୂକ୍ଷ୍ମ ସତ୍ତା ରୂପେ ବ୍ରହ୍ମ
ଦାରୁବ୍ରହ୍ମ ଅବିନାଶୀ ନିରାକାର
ବ୍ରହ୍ମ ଅବିନାଶୀ ତତ୍ତ୍ଵ
ସର୍ବ ତତ୍ତ୍ୱ ମଧ୍ୟେ ଶ୍ରେଷ୍ଠ ତତ୍ତ୍ଵ ସେହି
ଅନ୍ୟତମ ବ୍ରହ୍ମ ତତ୍ତ୍ଵ
ସୃଷ୍ଟି ସ୍ଥିତି ପ୍ରଳୟ ଉତ୍ପତ୍ତି ଯେଉଁଠୁ
ସେହି ବ୍ରହ୍ମ ପରଂବ୍ରହ୍ମ
ଅଭେଦ ଭୂତ ଭବିଷ୍ୟ ବର୍ତ୍ତମାନ
ପରଂବ୍ରହ୍ମ ସ୍ୱୟଂ ବ୍ରହ୍ମ
ସବୁ ସ୍ଥିତିରେ ସମ ନିତ୍ୟ ଆଶ୍ରୟ
ଆଧାର ଅଟଇ ବ୍ରହ୍ମ
ଯାହାଙ୍କ ଶକ୍ତିରେ ସର୍ବ ଶକ୍ତିମାନ
କାର୍ଯ୍ୟକ୍ଷମ ସେହି ବ୍ରହ୍ମ
ସଗୁଣ ନିର୍ଗୁଣ ନିରାକାର ବ୍ରହ୍ମ
ସାକାର ହିଁ ଅଟେ ବ୍ରହ୍ମ
ଜଗନ୍ନାଥ ଅଟେ ସ୍ଵୟଂ ପରଂବ୍ରହ୍ମ
କଳିରେ ହିଁ ଦାରୁବ୍ରହ୍ମ
ଟୋପାଏ ଜଳ ବି ସମୁଦ୍ରର ଅଂଶ
ଅଛି ମହତ୍ତ୍ଵ ବିଶେଷ
ସମଗ୍ର ବ୍ରହ୍ମ ଏକ ପୁଣି ଅଭିନ୍ନ
ମାତ୍ର ଆକ୍ଷରିକ ଅଂଶ
ଦାରୁ ବିଗ୍ରହ ଅଟଇ ସୁକ୍ଷ୍ମତ୍ତମ
ଭକ୍ତଙ୍କ ପାଇଁ ଅଦୃଶ୍ୟ
ସ୍ଥୂଳ ତଥା ଦୃଶ୍ୟମାନ ବିଗ୍ରହର
ବ୍ରହ୍ମ ହିଁ ପରିପ୍ରକାଶ
ଦାରୁ ବିଗ୍ରହରେ ଥିବା ବ୍ରହ୍ମ ଅଟେ
ସତ୍ୟ ଅକ୍ଷର ପୁରୁଷ
ଅବିନାଶୀ ଅପରିବର୍ତ୍ତନଶୀଳ
ସତ୍ୟ ପରମ ପୁରୁଷ
ବଳଭଦ୍ର ପୁରୁଷ,ସୁଭଦ୍ରା ପ୍ରକୃତି
ଜଗନ୍ନାଥ ହିଁ ପରମ
କ୍ଷର ଅକ୍ଷର ପୁରୁଷ ସମନ୍ଵୟ
ତହିଁ ସମ୍ଭୂତ ପରମ
ଦାରୁବ୍ରହ୍ମ ବିଗ୍ରହ ଚୈତନ୍ୟ-ମୟ
ସଂପୂର୍ଣ୍ଣ ସଚ୍ଚିଦାନନ୍ଦ
ଭକ୍ତି ଭାବ ଥାଇ ଦର୍ଶନ ଲଭିଲେ
ସଦା ମିଳିବ ଆନନ୍ଦ
ଶ୍ରୀକ୍ଷେତ୍ର ମଧ୍ୟସ୍ଥ ପଦ୍ମ ଫୁଲ ଯହିଁ
ତହିଁ ରତ୍ନ ସିଂହାସନ
ରତ୍ନ ସିଂହାସନେ ଦାରୁ ବିଗ୍ରହ
ଅଛନ୍ତି ବିରାଜମାନ
ଗୁଢ଼ ରହସ୍ୟ ରହିଛି ଜଡ଼ିତ
ଜଗନ୍ନାଥ ଆଢ଼ୁଆଳେ
ଆଦି ନାରାୟଣ ଜଗନ୍ନାଥ ରୂପେ
ଜାଣି ହେବ ଜ୍ଞାନ ବଳେ
କଳି କାଳେ ଦାରୁବ୍ରହ୍ମ ଜଗନ୍ନାଥ
ପ୍ରଭୁ ଆଦି ନାରାୟଣ
ସୃଷ୍ଟି ଆଦିମୂଳ ,ତାଙ୍କର ଏ ସୃଷ୍ଟି
ନାହିଁ ତାଙ୍କ ଆଦି ଅନ୍ତ
ସେ ଦାରୁ ବ୍ରହ୍ମଙ୍କ ଚରଣେ ଶରଣ
ଆପେ ପ୍ରାପ୍ତ ମୁକ୍ତି ପଥ
