ଆଧୁନିକତା

ଆଧୁନିକତା ଭିତରେ ଚାପିହୋଇ

ଆଜି ଅସ୍ତବ୍ୟସ୍ତ ସଂସ୍କୃତି, ସଭ୍ୟତା

ପରମ୍ପରା ଲିଭିଲାଣି, ଲିଭିନି ବାସ୍ତବତା

କରିବାରେ ନାହିଁ ମୋହ, କଥାରେ ସ୍ଵାଧୀନତା ।

ଆଧୁନିକତା ନାଁ' ରେ ବଢ଼ିଛି ନାରୀ ସ୍ବେଚ୍ଛାଚାରୀତା

ବିବେକ ଲୁଚୁଛି ସ୍ବାର୍ଥ ର ହାଵୁକାରେ

ମାଆ ଵୁଝେନି ଶିଶୁର ମନ ତଳର ଗୋପନତା

ମାତିଛି ଖାଲି ନିଜ ଶରୀର ସଜାଇଵାରେ ।

ଆଧୁନିକତାର ଶବ୍ଦ ଭିତରେ ଛନ୍ଦି ହୋଇଛି ନିଜତ୍ବ

ସ୍ନେହ ପ୍ରେମର ମୂଲ୍ୟ ଆଜି ମପାହୁଏ

ମିଛସତର ମାୟା ଜାଲ ଭିତରେ ହରାଇଛି ସ୍ଥିତିତ୍ଵ

ଇଛା ନାହିଁ ତ୍ୟାଗକୁ ଚିହ୍ନିବାରେ, ଧରିବାରେ ।

ଆଧୁନିକତାର ମାୟା ଜାଲରେ ପୁଅ ବୋହୁ

ଭୁଲିଯାଆନ୍ତି ନିଜ ବାପାମାଆଙ୍କ ପାଇଁ କର୍ତ୍ତବ୍ୟ

ଭୁଲିଯାଆନ୍ତି ଧର୍ମ ଅଧର୍ମ, ଭାବନ୍ତି କାହିଁକି ସହୁ

ଲୋକଙ୍କର ଅଭାବବୋଧ ଆଉ ପିଲାଙ୍କ ଭାବ ।

ଆଧୁନିକତାର ସ୍ପର୍ଶରେ ପୁରାଣ ପୋଥି ମିଛଗପ

ଅନ୍ଧବିଶ୍ୱାସ ପାଲଟେ ପୂର୍ବଜନ୍ମ ପାପ

କାଟିଥାନ୍ତି ଗଛ ଆଜିର ମିଛ ବିଶ୍ଵକର୍ମା

ପ୍ରତାରଣା ତଳେ ସ୍ବପ୍ନ ଆଜି ଅବଗୁଣ୍ଠିତ ।