ଆଧିପତ୍ୟ

ଆଧିପତ୍ୟ ବିସ୍ତାରିଛି ଟଙ୍କା ଏ ସଂସାରେ

ସେ ଥିଲେ ପାସରେ ସବୁଠି ଆଦର

   ନଥିଲେ କିଏ ସେ ପଚାରେ l

ସେ ପୁଣି ଭୁଲାଏ ବନ୍ଧୁ ପରିଜନ

ଧରା କୁ ମଣେ ସରା ସମାନ

ବଢାଏ ମାନ ଆଉ ସନ୍ନମାନ l

ଅର୍ଜନେ ତାହାକୁ ବାଟ ଅବାଟ ବୁଝେନି

ମନୁଷ୍ୟତାକୁ ବଳିଦେଇ ବଡ଼ ମଣୁଥାଏ ଧନ

 ଅରଜିଲେ କେତେ ପିପାସା ମେଣ୍ଟେନି l

କାହା ଲାଗି ପେଟ ପାଇଁ ଦାନା

ଦେହ ଢାଙ୍କିବାକୁ ହୋଇପାରେ ଖଣ୍ଡେ ବସନ

ପୁଣି କାହାପାଇଁ ଐଶର୍ଯ୍ୟର ବାହାନା l

କରୁଥାଏ ପୁଣି ପର କୁ ଆପଣା

ଆପଣାର ହୋଇଯାଏ କେବେ ପର

ଗରିବ ଵନିଯାଏ ଧନୀ ନ ପଡଇ ଜଣା l