Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

P.purabi Mohanty ପି.ପୁରବୀ ମହାନ୍ତି

Fantasy Others

3  

P.purabi Mohanty ପି.ପୁରବୀ ମହାନ୍ତି

Fantasy Others

ଆବରଣ ତଳେ

ଆବରଣ ତଳେ

1 min
230


ଦେଖିବାକୁ ଚାହଁ ନାହିଁ , ଅଣଦେଖା କର ତୁମେ

ପଛକୁ ଫେରି ମୁହଁ ମୁଁ ବୁଲେଇ

ଯେତେଥର ଦେଖେ ଚାହାଣୀ ତୁମର ତଥାପି

ଦେଖିବାକୁ ଚାହେଁ ମୋତେ ।

କିଭଳି ମିଛ କିଭଳି ଆବରଣ

ଅଦୃଶ୍ୟ ବାଡ଼ ମନ , କିନ୍ତୁ ଭାଗ୍ୟ ନାହିଁ

ଲଭିବାକୁ ତବ ପ୍ରେମ ।

ସାତ ସମୁଦ୍ର ତେର ନଈ ପାହାଡ଼ ଗର୍ଭରେ ଲୀନ

ହେବାକୁ ଲାଗିଲା ଅସ୍ତସୁର୍ଯ୍ୟ

ସତେ ସେ ମିଶାଇ ପାରିବ ନାହିଁ 

ଚନ୍ଦ୍ରର କିରଣ ସୂର୍ଯ୍ୟ ତା ତାପ ।

ସମୁଦ୍ର ଜଳରେ ପ୍ରତିବିମ୍ବ ରହି

ଆକାଶେ ଚନ୍ଦ୍ରର ଏକ ସେ ଛଳନା

ଧରିବାକୁ ମନେ ଦ୍ଵନ୍ଦ ଆସିଯାଏ

କେଉଁଆଡେ ତାର କେମନ୍ତ ଠିକଣା ।

ଆଖିରେ ଆଖି ମିଶେଇ

ଛଳନାର କରିବାକୁ ପ୍ରୟାସ

ଠିକ୍ ଯେପରି ରହିଥାଏ

ନଦୀର ପାଣିରେ ଜହ୍ନ ର ପ୍ରତିବିମ୍ବ ।

ଭିତରେ ଲୁଚିଛି କହିବାକୁ ହେବ

ମନର ଭାବନା ଉଙ୍କି ସେ ମାରିବ 

ଯଦି ଆଖି ଖୋଲା କହେ କିଛି କଥା

ମିଛ ସେ ନୁହଁଇ ଲୁହର ସେ ବ୍ୟଥା ।

ଭିତରେ କାନ୍ଦିବା ପୁରା ସେ ସହଜ

ଲୁହ ଗଣିବାକୁ ଗ୍ରାହକ ନିଅଣ୍ଟ

ଆବରଣ ଯେବେ ଖୋଲିବ ନିଶ୍ଚୟ

ସମୁଦ୍ର ଠୁ ବଳି କୋହର ଲହଡ଼ି ।

କେତେ ରହିବାକୁ ପଡ଼ିବ ଭିତରେ

ବାହାର ର ଖୋଲା ପବନକୁ ଝୁରେ

ଆଖି ଦୁଇଟିକୁ କରି ସେ ଗୋପନ

ହୃଦୟ ଆଖିରେ ଦେଖେ ବା ସପନ ।

ଧକ୍ ଧକ୍ ହୁଏ

ହୃଦୟ କି କହେ

ନୟନ ଖୋଲିଲେ ବୁଝା ନ ପାଏ

କିନ୍ତୁ,

ଆଖି ଆଜି ବନ୍ଦ

ଗୋଡ଼ ଆଜି ସ୍ଥିର

ସ୍ପନ୍ଦନ ଗଭୀର

ହୃଦୟ କୋଣର ।

ହାତ ଉଠାଇ ସେ , ଦେଲେ ଅତୀତକୁ

କାଗଜ ଭଳି ସେ କଲେ ଅପମାନ

କେତେ ହୃଦୟର କେତେ ବା ଭାବନା

ବୁଝିବାକୁ ଏଠି ଉଣା ମାେ କାମନା ।

ନାରିକେଳ ରହେ କଠିନ ଉପରୁ

ଭିତରେ ସ୍ଵାଦ ଓ ମଧୁର ସେ ଶୋଷ

ସଭିଏଁ କୁହନ୍ତି ଉପରୁ କଠିନ

କିନ୍ତୁ ବିଡମ୍ବନା ଭିତରେ ସେହିଟି ।

ଆଟୋପ ଉତାରି ଭିତରକୁ ଆସ

ଥାଉ ସ୍ୱଳ୍ପ ସୀମା ନାହିଁ ଅଭିଯୋଗ

କିନ୍ତୁ ଯଦି କେବେ କହିଦିଅ ଆସି

ଆବରଣ ନାହିଁ ସତ୍ୟ ଏ ମୋହରି ।

ଭାଙ୍ଗି ଯିବି ମୁହଁ ହେବି ଅସଂଖ୍ୟ ରେ

ପାଦ ରେ ତୁମର ବାଜି ଝରିଯାଏ

ରକ୍ତ ର ବିନ୍ଦୁ ମାେ ଦେହେ ଲାଗିବ

ସେ କାଚ ରେ ବି ମୁଁ ସୌଭାଗ୍ୟ ମଣିବ ।



Rate this content
Log in