(୧୪)#ଆଲୋକର ପର୍ବ ଦୀପାବଳି #
(୧୪)#ଆଲୋକର ପର୍ବ ଦୀପାବଳି #
ଆସି ଅଛି ପୁଣି ଦୀପାବଳୀ ଆଜି
ଏ ପୁର ପଲ୍ଲୀର କୋଣେ ଅନୁକୋଣେ
ଖୁସିର ପସରା ମେଲି ,
ଦାଉ ଦାଉ ହୋଇ ଜଳିବ ଦୀପାଳି
ପ୍ରୀତିର ମହୀରେ ନକ୍ଷତ୍ର ଙ୍କ ପରି
ମନେ ହେବ ନଭ ବୋଲି ,
ଯୋଜନ ଯୋଜନ ଅନ୍ଧାର ଦୂରେଇ
ମହାଲକ୍ଷ୍ମୀଙ୍କ ର ଆରାଧନା ପାଇଁ
ଆଜି ଏତେ ଆୟୋଜନ ,
ଏ ଦିବସେ ରାଜା, ଶ୍ରୀରାମ ଅଯୋଧ୍ୟାର
ଫେରି ଥିଲେ ରଖି ନାଆଁ ଯେ ସତ୍ୟର
ବଧ କରି ଦଶାନନ ,
ବଳିରାଜା ଉଭା ମର୍ତ୍ତ୍ୟ ମଣ୍ତଳରେ
ହୁଅନ୍ତି ଏଦିନ ଥରେ ବର୍ଷକରେ
ଭ୍ରମଣର ଯୋଗ ନେଇ,
ସମଗ୍ର ଜଗତ ଯେବେ ନାଚୁଥାଏ
ହସ ଖୁସି ଆଉ ଆନନ୍ଦ ପରାଏ
ମନକୁ ମନେ ମିଶାଇ ,
ବଡ଼ ବଡିଆଙ୍କୁ ପୂଜନ୍ତି ଏଦିନ
ଦାନ ଧର୍ମ ପିଣ୍ଡ କରି ସୁଧିଜନ
ପୂଣ୍ୟ ଯେ ଲଭିବା ପାଇଁ ,
ମଧ୍ୟ ରାତ୍ରେ ପୁଣି କାଳୀପୂଜା ସାଥେ
ତନ୍ତ୍ର ମନ୍ତ ଯଜ୍ଞ ହୁଏ କେତେ କେତେ
ସିଦ୍ଧି ଅରଜିବା ପାଇଁ ,
ଦୀପାବଳି ଅଟେ ଆଲୋକର ପର୍ବ
ସ୍ନେହ ପ୍ରେମ ବାଣ୍ଟି ଭୁଲିଯାଅ ଗର୍ବ
ରଖ ନାହିଁ ମନେ ଦ୍ୱେଷ ,
ଦେବୀ ମାତା ପାଶେ କର ଏ ମିନତୀ
ଦୁଃଖ ଶୋକ ରୋଗ ଦୂରେ ଯାଉ ସାଥୀ
ହସୁ ଏ ଭାରତ ବର୍ଷ........ ।