(୦୮)*ଆତଙ୍କିତ ଅଭିଭାବକ*ସ୍ମୃତି୨୦୨୦

ସମୟର ଏଇ ସନ୍ଧିକ୍ଷଣେ ଏବେ

          ଆତଙ୍କିତ ସବୁ ଅଭିଭାବକ

ଭୟ ତାଙ୍କ ମନେ ବିରାଜୁଛି ନିତି

     କେହି ହୋଇପାରେ ରୋଗ ବାହକ,

ସ୍କୁଲ କଲେଜ ସିନା ବନ୍ଦ ରହିଛି

         ଟିଉସନ ଚାଲିଛି ଘରେ ଘରେ

ଜଣା ପଡିବନି କିଛି ବର୍ତ୍ତମାନ

          ସବୁ ଜଣା ଯିବ ଦି ଦିନ ପରେ ,

ବସୁ ତ ନାହାଁନ୍ତି କେ ଦୂରତା ରଖି

        ଗପିବାକୁ ଅଛି କେତେ କି ବାକି ,

ଅଭିଭାବକଙ୍କ ବୁଡି ଅଛି ଭେଳା

         ପିଲା ବୁଲୁଛନ୍ତି ହୋଇଣ ମେଳା ,

ସ୍କୁଲ ହେବ ଖୋଲା ଜଣା ନାହିଁ କେବେ

          ପଢିବାକୁ କିଏ ଆସିବ ଭାବେ,

ଭୟ ନାହିଁ କା'ର ରୋଗକୁ କୁହନା

       ରୋଗ ଲାଗି ପରା ଏତେ ବାହାନା,

ଅଭିଭାବକଙ୍କ ତ ଗୋଟିଏ କଥା

        ଭେକ୍ସିନ୍ ପାଇଁ ତାଙ୍କ ମୁଣ୍ଡବ୍ୟଥା

ପଢାପଢି ସବୁ ହେଲାଣି ବେକାର

         ପିଲା ବୁଝୁ ନାହିଁଁ ସ୍ଥିତି ଗମ୍ଭୀର ..... ।