विषय:- माय मराठीची गोडी
विषय:- माय मराठीची गोडी
काय अन् किती गं सांगू
माझ्या मराठीची गोडी |
आवाक्या बाहेरचे माझ्या
बुद्धी ही कमी पडते थोडी | |१| |
माय मराठीची महती साक्षात
देई संत ज्ञानेश्वरांची ज्ञानेश्वरी |
अमृताशीही पैज जिंकेल अशी
वागदेवी सरस्वती तीच वागेश्वरी | |२| |
माय मराठीची अस्मिता हवी
खरंतर आपणच जपायला |
कित्येक बोली भाषा अलगदपणे
येतात तिच्यामागे लपायला | |३| |
इतर भाषांशी तिची तुलना करणं
नसे तिला मुळातच रुचणारं |
अनुपम अतुल्य सौंदर्य तिच्याकडे
उपमा आणखी काय सुचणार? | |४| |