विझणाऱ्या दिव्याची वात मी

धरून चिमटीत ओढ कितीही

राख करून मला सोड कितीही

सर्वस्व अर्पणारी एक जात मी

विझणाऱ्या दिव्याची वात मी

चिरून अंधाराला पेरली आभा

केला प्रकाशमान घराचा गाभा

तीरी येऊन विरणारी लाट मी

विझणाऱ्या दिव्याची वात मी

डोईवर वाहिल्या तप्त ज्वाला

तुजपुढे सारला तेजाचा प्याला

रात जागून उजाडली पहाट मी

विझणाऱ्या दिव्याची वात मी

साक्षी आहे काजळी भिंतीची

ऐकली केवळ स्तुती पणतीची

लिहून आणले कसे ललाट मी

विझणाऱ्या दिव्याची वात मी