❤️ व्हॅलेंटाईन डे ❤️

फुल आणि चॉकलेट देऊन

कुणी प्रेमात पडतंय का ?

नुसत्याच घेऊन आणा भाका

मनात कुणी भरतंय का ?

जग आहे बनावटी

सुंदर सापळा कुणी लावतंय का?

वेळीच जागी हो गं हरिणी

कुणी जाळ्यात ओढतंय का ?

रोज डे, प्रपोज डे

मनात कळी खुलतेय का ?

चॉकलेट आणि , टेडी देऊन

हृदय कुणी चोरतंय का ?

किस आणि मिठी मारून

ओढ अशी राहतेय का ?

सात दिवसांत असे

सात जन्माची सोबत होते का ?

प्रेम असे दिवसांमध्ये 

मोजता येतंय का ?

प्रीत अशी अटीमध्ये 

बांधता येते का ?

सुख दुःखात प्रत्येक क्षणी

साथ माझी करशील का ?

आदर, प्रेम, जिव्हाळ्याने

आयुष्य सुगंधित करशील का ?

 

भाकरीचा चंद्र शोधताना

विश्वास माझा जपशील का ?

माझ्यावरच्या तुझ्या प्रेमाचे

पेटंट मला देशील का ?