वेदना........अदृश्य मनाच्या

अदृश्य मनाच्या वेदना

ठाव घेती मनाचा 

जाणिवेची सल ती

भाग होते तनाचा

   हुंदका तळमळतो वेदनेचा

   ओघळणाऱ्या आसवांचा

   श्वासातही लपला पुरावा

   न दिसणाऱ्या भासवांचा

अगतिकता वेदनेची

साठा अव्यक्त भावनांचा

निरूत्तरित राहीलेल्या

माझ्या निरागस प्रश्नांचा

   वेदनेतील गोंडस हास्य

   साक्ष खळखळत्या ओठांचा

   देवच साक्षीदार माझ्या

   हसऱ्या धडधडत्या ठोक्यांचा

भावनाशून्य जगी या

जीव गुदमरतोय नितीमत्तेचा

वेदनेच्या पार कोमेजलेल्या

एका भयावह अफाट सत्तेचा.......