लाइब्रेरी
प्रोफाइल
वारी
वारी
1 min
465
चंद्रभागा तिरी।कर कटेवरी।
उभा विटेवरी।सावळा हा।
संकटाचे वेळी।भक्तांची सावली।
विठाई माऊली।धाव घेई।
आषाढी कार्तिकी।पंढरीत मेळा।
वारीकरी गोळा। भेटीसाठी।
कृष्णरूप विठू। अमोघ सौंदर्य।
भक्तांशी औदार्य।लोचनात।
वारीचा हारिक।घरदार दूर।
हरिनामा पूर।भीमेतीरी।
दिंड्या पताकांनी।सजते पंढरी।
एकरूप सारी।वारीमध्ये।
गजर नामाचा।टाळ मृदुंगाचा।
ताल चिपळीचा।भजनात।
भोळा भाव माझा। समजूनी घेई हरी।
भक्ताला उध्दारी। विनवितो।
