वारी

(कोरोना काळात २वर्षे वारकरी दिसले नाहीत. त्यामुळे परमेश्वराला परत वारी सुरू व्हावी म्हणून केलेली आर्त प्रार्थना 🙏)

यंदाची वारी । सांग विठ्ठला । 

देवा वारकरी राजा । कुठे दिसेना ।  

तुळशीचे हार। गळ्यात माळा ।

वारकऱ्यांचा। विठू सावळा। 

मृदुंग वीणा । चिपळी टाळा । 

नाम जयघोष। ईठ्ठल विठ्ठला। 

दिंड्या पताका। वैष्णवांचा मेळा ।

डोई वृंदावन । वैजयंती माळा ।

लाल पागोटे । बुक्याचा टिळा । 

दिसले नाही यंदा । लेकरे बाळा । 

पळवं संकट । टळू दे वेळा ।

वर्षांची पुण्याई । वाहिली तुला । 

अंतरी नांदतो । सावळा विठूराया। 

भक्तांना सांभाळे। त्याचीच छाया।

परत होऊ दे । वारकरी गोळा। 

कानाने ऐकू दे। विठ्ठल विठ्ठला ।