फुले

आल्हाददायक भासती

डोळ्यांस ही ताजी फुले

सुवास येता मन जाई

भुतकाळात माझे खुळे

पितळी घरंगळ्यात सुवासिक 

थंड अशा वातावरणात

घमघमाट सुगंधी फुलांच्या

पाकळ्यांचा ओसंडतसे गाभाऱ्यात

घराघरातील चैतन्य रोमांचीत

करीत असे अंगोपांगी

श्वासागणिक सुगंधाची

रेलचेल असे जागोजागी 

चाफा चमेली केवडा अनंत बकुळी

तजेलदार फुलांची भरगच्च परडी पिवळी

देवघरातील पुजेचा निरांजनाचा मंद दिप

तेवतो मनात अजुनी..पुजेचा सुगंधी धुप

दगडी घरातील थंडाव्यात

सुगंधाचे जडलेले नाते

त्यासाठी तरी भुतकाळात

जाऊनी कधीतरी डोकवावे वाटे